ਮੌਜ-ਮਸਤੀ ਲਈ, ਦਿੱਲੀ ਤੋਂ ਦੋਸਤਾਂ ਦਾ ਇੱਕ ਸਮੂਹ ਸੋਲਨ ਦੇ ਅਸ਼ਵਨੀ ਖੱਡ ਵਿੱਚ ਰੀਵਾ ਵਾਟਰਫਾਲ ਆਇਆ ਸੀ। ਸਾਰੇ ਦੋਸਤ ਇਕੱਠੇ ਝਰਨੇ ਵਿੱਚ ਖੂਬ ਮਸਤੀ ਕਰ ਰਹੇ ਸਨ। ਇਸ ਦੌਰਾਨ ਜਦੋਂ ਵਿਦਿਆਰਥੀ ਰੀਵਾ ਵਾਟਰਫਾਲ ‘ਚ ਖੜ੍ਹਾ ਸੀ ਤਾਂ ਅਚਾਨਕ ਇਕ ਪੱਥਰ ਪਾਣੀ ਨਾਲ ਵਹਿ ਕੇ ਉਸ ਦੇ ਸਿਰ ‘ਤੇ ਆ ਡਿੱਗਾ। ਸਿਰ ‘ਤੇ ਸੱਟ ਲੱਗਣ ਕਾਰਨ ਵਿਦਿਆਰਥੀ ਮੌਕੇ ‘ਤੇ ਹੀ ਬੇਹੋਸ਼ ਹੋ ਗਿਆ ਅਤੇ ਉਸ ਦੇ ਸਿਰ ‘ਚੋਂ ਭਾਰੀ ਖੂਨ ਵਹਿਣਾ ਸ਼ੁਰੂ ਹੋ ਗਿਆ। ਜਿਸ ਕਾਰਨ ਅਕਸ਼ਿਤ ਗੰਭੀਰ ਜ਼ਖਮੀ ਹੋ ਗਿਆ। ਉਸ ਦੇ ਦੋਸਤ ਅਤੇ ਹੋਰ ਸੈਲਾਨੀ ਇਸ ਅਚਾਨਕ ਵਾਪਰੀ ਘਟਨਾ ਤੋਂ ਬੁਰੀ ਤਰ੍ਹਾਂ ਡਰ ਗਏ। ਅਕਸ਼ਿਤ ਨੂੰ ਤੁਰੰਤ ਨਿੱਜੀ ਵਾਹਨ ਰਾਹੀਂ ਸੋਲਨ ਦੇ ਖੇਤਰੀ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਡੀਐਸਪੀ ਭੀਸ਼ਮ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਦੀ ਪਛਾਣ ਅਕਸ਼ਤ ਦੇਵ (19) ਪੁੱਤਰ ਅਲੋਕ ਕੁਮਾਰ ਮੀਨਾ ਵਾਸੀ ਏ-9 ਜੇਪੀ ਕਲੋਨੀ ਟੋਂਕ ਪਾਠਕ ਵੀ.ਟੀ.ਸੀ ਜੈਪੁਰ, ਪੋਸਟ ਆਫਿਸ ਗਾਂਧੀਨਗਰ ਜ਼ਿਲ੍ਹਾ ਜੈਪੁਰ ਰਾਜਸਥਾਨ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ 13 ਵਿਦਿਆਰਥੀਆਂ ਦਾ ਇੱਕ ਗਰੁੱਪ ਦਿੱਲੀ ਤੋਂ ਸੋਲਨ ਦੇ ਰੀਵਾ ਵਾਟਰਫਾਲ ਵਿੱਚ ਘੁੰਮਣ ਲਈ ਆਇਆ ਸੀ। ਪਰ ਜਦੋਂ ਉਹ ਝਰਨੇ ‘ਚ ਉਤਰੇ ਤਾਂ ਅਚਾਨਕ ਇਕ ਪੱਥਰ ਅਕਸ਼ਤ ਦੇ ਸਿਰ ‘ਤੇ ਆ ਡਿੱਗਿਆ। ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਭੀਸ਼ਮ ਸਿੰਘ ਨੇ ਦੱਸਿਆ ਕਿ ਵਿਦਿਆਰਥੀਆਂ ਦਾ ਇਹ ਗਰੁੱਪ ਨੈਸ਼ਨਲ ਲਾਅ ਯੂਨੀਵਰਸਿਟੀ, ਦਿੱਲੀ ਤੋਂ ਆਇਆ ਸੀ। ਬਦਕਿਸਮਤੀ ਨਾਲ ਜੈਪੁਰ ਰਾਜ ਦਾ ਰਹਿਣ ਵਾਲਾ ਅਕਸ਼ਿਤ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਉਨ੍ਹਾਂ ਦੱਸਿਆ ਕਿ ਲਾਸ਼ ਦਾ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਗਈ ਹੈ।
ਫਿਲਹਾਲ ਪੁਲਿਸ ਵੱਲੋਂ ਇਸ ਸਬੰਧੀ ਧਾਰਾ 174 ਤਹਿਤ ਕਾਰਵਾਈ ਕੀਤੀ ਜਾ ਰਹੀ ਹੈ।