ਸਾਮੋਆ ਦੇ “ਮਤਾਈ ਟਾਈਟਲ” ਬਾਰੇ ਗਲਤਫਹਿਮੀ ਖਤਮ: ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ Christopher Luxon ਨੇ ਕਿਹਾ ਹੈ ਕਿ ਸਾਮੋਆ ਵਿੱਚ ਮਿਲੇ ਰਵਾਇਤੀ “ਮਤਾਈ ਟਾਈਟਲ” ਨੂੰ ਲੈ ਕੇ ਪੈਦਾ ਹੋਈ ਗਲਤਫਹਿਮੀ ਹੁਣ ਖਤਮ ਹੋ ਗਈ ਹੈ ਅਤੇ ਦੋਵੇਂ ਪੱਖ ਇਸ ਮਾਮਲੇ ਤੋਂ ਅੱਗੇ ਵਧ ਰਹੇ ਹਨ।
ਹਾਲ ਹੀ ਵਿੱਚ ਕੁਝ ਮੀਡੀਆ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਲਕਸਨ ਨੇ ਸਮੋਆ ਦੌਰੇ ਦੌਰਾਨ ਉੱਥੇ ਦਾ ਰਵਾਇਤੀ ਮੁਖੀ ਖਿਤਾਬ “ਮਤਾਈ” ਮੰਗਿਆ ਸੀ। ਹਾਲਾਂਕਿ ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਨੇ ਇਸ ਦਾਅਵੇ ਨੂੰ ਤੁਰੰਤ ਖਾਰਜ ਕਰ ਦਿੱਤਾ।
ਬਾਅਦ ਵਿੱਚ ਸਾਮੋਆ ਸਰਕਾਰ ਨੇ ਵੀ ਸਪਸ਼ਟ ਕੀਤਾ ਕਿ ਨਾ ਤਾਂ ਲਕਸਨ ਅਤੇ ਨਾ ਹੀ ਉਸਦੇ ਕਿਸੇ ਪ੍ਰਤੀਨਿਧ ਨੇ ਇਹ ਖਿਤਾਬ ਮੰਗਿਆ ਸੀ। ਇਹ ਖਿਤਾਬ ਰਿਵਾਜ਼ ਦੇ ਤੌਰ ‘ਤੇ ਮਹਿਮਾਨ ਨੇਤਾਵਾਂ ਨੂੰ ਸਨਮਾਨ ਦੇ ਰੂਪ ਵਿੱਚ ਦਿੱਤਾ ਜਾਂਦਾ ਹੈ।
ਸਮਾਰੋਹ ਦੌਰਾਨ ਲਕਸਨ ਨੂੰ “Tuisinavemaulumoto’otua” ਨਾਮ ਦਾ ਮਤਾਈ ਟਾਈਟਲ ਪ੍ਰਦਾਨ ਕੀਤਾ ਗਿਆ। ਲਕਸਨ ਨੇ ਇਸ ਨੂੰ ਸਨਮਾਨ ਮੰਨਦੇ ਹੋਏ ਕਿਹਾ ਕਿ ਦੋਵੇਂ ਦੇਸ਼ਾਂ ਦੇ ਰਿਸ਼ਤੇ ਮਜ਼ਬੂਤ ਹਨ ਅਤੇ ਇਸ ਗਲਤਫਹਿਮੀ ਨੂੰ ਹੁਣ ਪਿੱਛੇ ਛੱਡ ਦਿੱਤਾ ਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਨਿਊਜ਼ੀਲੈਂਡ ਅਤੇ ਸਾਮੋਆ ਦਰਮਿਆਨ ਦੋਸਤੀ ਅਤੇ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ‘ਤੇ ਧਿਆਨ ਦਿੱਤਾ ਜਾਵੇਗਾ।