ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੀਆਂ 36,000 ਦੇ ਕਰੀਬ ਨਰਸਾਂ, ਦਾਈਆਂ ਅਤੇ ਸਿਹਤ ਸੰਭਾਲ ਕਰਮਚਾਰੀਆਂ ਨੇ ਬੁੱਧਵਾਰ ਨੂੰ ਦੇਸ਼ ਵਿਆਪੀ 24 ਘੰਟੇ ਦੀ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਸਵੇਰੇ 9 ਵਜੇ ਤੋਂ, ਨਿਊਜ਼ੀਲੈਂਡ ਨਰਸਾਂ ਸੰਗਠਨ ਦੇ ਮੈਂਬਰਾਂ ਨੇ ਹੜਤਾਲ ਸ਼ੁਰੂ ਕਰ ਦਿੱਤੀ ਸੀ। ਯੂਨੀਅਨ ਨੇ ਕਿਹਾ ਕਿ ਜਨਤਕ ਸਿਹਤ ਖੇਤਰ ਵਿੱਚ ਕੰਮ ਕਰਨ ਵਾਲਿਆਂ ‘ਤੇ ਕੰਮ ਦਾ ਜ਼ਿਆਦਾ ਬੋਝ ਪਾਇਆ ਜਾ ਰਿਹਾ ਹੈ ਕਿਉਂਕ ਨਾ ਤਾਂ ਸਰੋਤ ਹਨ ਅਤੇ ਨਾ ਹੀ ਸਟਾਫ ਹੈ। ਹੈਲਥ ਨਿਊਜ਼ੀਲੈਂਡ ਨੇ ਕਿਹਾ ਕਿ ਅੱਜ ਦੀ ਹੜਤਾਲ ਦੇ ਬਾਵਜੂਦ, ਹਸਪਤਾਲ ਅਤੇ ਐਮਰਜੈਂਸੀ ਵਿਭਾਗ ਖੁੱਲ੍ਹੇ ਰਹਿਣਗੇ।
ਯੂਨੀਅਨ ਅਤੇ ਹੈਲਥ ਨਿਊਜ਼ੀਲੈਂਡ ਤੇ ਵਟੂ ਓਰਾ ਵਿਚਕਾਰ ਨਵੀਨਤਮ ਵਿਚੋਲਗੀ ਗੱਲਬਾਤ ਟੁੱਟ ਗਈ ਸੀ, ਜਿਸ ਕਾਰਨ ਇਹ ਹੜਤਾਲ ਹੋਈ ਹੈ। ਐੱਨਜੈੱਡਐੱਨਓ ਦੇ ਮੁੱਖ ਕਾਰਜਕਾਰੀ ਪਾਲ ਗੋਲਟਰ ਨੇ ਕਿਹਾ ਕਿ ਗੱਲਬਾਤ ਇਸ ਲਈ ਅਸਫਲ ਰਹੀ ਕਿਉਂਕਿ ” ਮੰਗਾਂ ‘ਚ ਫਰਕ ਬਹੁਤ ਵੱਡੇ ਸਨ”। ਇਸੇ ਕਾਰਨ ਦੇਸ਼ ਭਰ ਦੀਆਂ ਨਰਸਾਂ ਹਸਪਤਾਲਾਂ ਦੇ ਬਾਹਰ ਇਕੱਠੀਆਂ ਹੋਈਆਂ ਹਨ ਅਤੇ ਨਾਅਰੇਬਾਜ਼ੀ ਕਰ ਰਹੀਆਂ ਸਨ ਅਤੇ ਝੰਡੇ ਲਹਿਰਾ ਰਹੀਆਂ ਸਨ। ਹੈਲਥ ਐਨ ਜ਼ੈਡ ਨੇ ਕਿਹਾ ਕਿ ਹੜਤਾਲ ਦੌਰਾਨ ਹਸਪਤਾਲ ਖੁੱਲ੍ਹੇ ਰਹਿਣਗੇ, ਅਤੇ ਐਮਰਜੈਂਸੀ ਦੇਖਭਾਲ ਪ੍ਰਦਾਨ ਕੀਤੀ ਜਾਂਦੀ ਰਹੇਗੀ। ਸਾਰੇ ਐਮਰਜੈਂਸੀ ਵਿਭਾਗ ਖੁੱਲ੍ਹੇ ਰਹਿਣਗੇ।