ਆਕਲੈਂਡ (ਐੱਨ ਜੈੱਡ ਤਸਵੀਰ) ਮੱਧ-ਪੂਰਬ ਵਿੱਚ ਈਰਾਨ ਨਾਲ ਜੁੜੇ ਯੁੱਧੀ ਤਣਾਅ ਦੇ ਚਲਦੇ ਵਿਸ਼ਵ ਪੱਧਰ ‘ਤੇ ਵਸਤੂਆਂ ਦੀਆਂ ਕੀਮਤਾਂ ਰਿਕਾਰਡ ਉੱਚਾਈਆਂ ‘ਤੇ ਪਹੁੰਚ ਗਈਆਂ ਹਨ। ਇਸ ਨਵੀਂ ਸਥਿਤੀ ਨੇ ਨਿਊਜ਼ੀਲੈਂਡ ਦੀ ਅਰਥਵਿਵਸਥਾ ‘ਤੇ ਇੱਕੋ ਵੇਲੇ ਮੌਕੇ ਅਤੇ ਚੁਣੌਤੀਆਂ ਦੋਵੇਂ ਪੈਦਾ ਕੀਤੀਆਂ ਹਨ।
ਰਿਪੋਰਟ ਮੁਤਾਬਕ, ਗਲੋਬਲ ਮਾਰਕੀਟ ਵਿੱਚ ਵੱਖ-ਵੱਖ ਜ਼ਰੂਰੀ ਵਸਤੂਆਂ ਦੇ ਭਾਅ ਵਿੱਚ ਤੇਜ਼ ਵਾਧਾ ਦਰਜ ਕੀਤਾ ਗਿਆ ਹੈ, ਜਿਸ ਨਾਲ ਕੀਮਤਾਂ ਦਾ ਸੂਚਕ ਅੰਕ ਨਵੇਂ ਸਿਖਰ ‘ਤੇ ਪਹੁੰਚ ਗਿਆ ਹੈ। ਇਸਦੇ ਨਾਲ ਹੀ ਨਿਊਜ਼ੀਲੈਂਡ ਡਾਲਰ ਦੀ ਕਮਜ਼ੋਰੀ ਨੇ ਨਿਰਯਾਤ ਉਤਪਾਦਾਂ ਦੀਆਂ ਕੀਮਤਾਂ ਨੂੰ ਹੋਰ ਉੱਪਰ ਧੱਕ ਦਿੱਤਾ ਹੈ।
ਖ਼ਾਸ ਕਰਕੇ ਡੇਅਰੀ ਉਤਪਾਦਾਂ ਵਿੱਚ ਵੱਡਾ ਉਛਾਲ ਵੇਖਣ ਨੂੰ ਮਿਲ ਰਿਹਾ ਹੈ, ਕਿਉਂਕਿ ਕਈ ਦੇਸ਼ ਆਪਣੀ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਵਧੇਰੇ ਖਰੀਦਦਾਰੀ ਕਰ ਰਹੇ ਹਨ। ਇਸ ਕਾਰਨ ਨਿਊਜ਼ੀਲੈਂਡ ਦੇ ਨਿਰਯਾਤਕਾਰਾਂ ਲਈ ਵਧੀਆ ਆਮਦਨ ਦੇ ਮੌਕੇ ਬਣ ਰਹੇ ਹਨ।
ਹਾਲਾਂਕਿ, ਮੱਧ-ਪੂਰਬ ਵਿੱਚ ਬਣੀ ਅਸਥਿਰਤਾ ਕਾਰਨ ਸਪਲਾਈ ਚੇਨਾਂ ‘ਤੇ ਦਬਾਅ ਵੱਧ ਰਿਹਾ ਹੈ ਅਤੇ ਤੇਲ ਦੀਆਂ ਕੀਮਤਾਂ ਚੜ੍ਹਣ ਨਾਲ ਮਹਿੰਗਾਈ ਦਾ ਖ਼ਤਰਾ ਵੀ ਵਧ ਗਿਆ ਹੈ। ਮਾਹਿਰਾਂ ਅਨੁਸਾਰ ਜੇਕਰ ਇਹ ਹਾਲਾਤ ਜਾਰੀ ਰਹੇ, ਤਾਂ ਵਿਸ਼ਵ ਬਾਜ਼ਾਰ ਵਿੱਚ ਅਸਥਿਰਤਾ ਹੋਰ ਵਧ ਸਕਦੀ ਹੈ।
ਮੌਜੂਦਾ ਤਸਵੀਰ ਵਿੱਚ ਜਿੱਥੇ ਉੱਚੀਆਂ ਕੀਮਤਾਂ ਨਿਊਜ਼ੀਲੈਂਡ ਦੇ ਨਿਰਯਾਤ ਖੇਤਰ ਲਈ ਲਾਭਦਾਇਕ ਸਾਬਤ ਹੋ ਰਹੀਆਂ ਹਨ, ਉੱਥੇ ਹੀ ਵਧਦੀਆਂ ਲਾਗਤਾਂ ਅਤੇ ਆਰਥਿਕ ਅਣਸ਼ਚਿਤਤਾ ਚਿੰਤਾ ਦਾ ਵਿਸ਼ਾ ਬਣੀਆਂ ਹੋਈਆਂ ਹਨ।
ਇਰਾਨ ਯੁੱਧ ਦੇ ਦਰਮਿਆਨ ਵਸਤੂਆਂ ਦੀਆਂ ਕੀਮਤਾਂ ਨੇ ਛੂਹਿਆ ਰਿਕਾਰਡ ਸਤਰ, ਨਿਊਜ਼ੀਲੈਂਡ ‘ਤੇ ਅਸਰ
