ਅਕਾਊਂਟੈਂਟ ਨੇ ਸਮਾਨ ਦੇ ਵਿਵਾਦ ਵਿੱਚ ਕਤਲ ਦਾ ਦੋਸ਼ ਸਵੀਕਾਰਿਆ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਆਕਲੈਂਡ ਦੇ ਇਕ ਅਕਾਊਂਟੈਂਟ ਜਿਸ ‘ਤੇ ਪਹਿਲਾਂ ਝਗੜੇ ਦੌਰਾਨ ਆਪਣੀ ਗੱਡੀ ਨਾਲ ਇਕ ਵਿਅਕਤੀ ਦੀ ਹੱਤਿਆ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ,ਨੇ ਗੈਰ-ਇਰਦਾ ਕਤਲ ਦਾ ਦੋਸ਼ ਸਵੀਕਾਰ ਕਰ ਲਿਆ ਹੈ॥ ਐਲਿਜ਼ਾਬੈਥ ਲਿਨ ਸਮਿਥ ਨੇ ਬੁੱਧਵਾਰ ਨੂੰ ਆਕਲੈਂਡ ਹਾਈ ਕੋਰਟ ਵਿਚ ਜਸਟਿਸ ਡਾਊਨਜ਼ ਦੇ ਸਾਹਮਣੇ ਆਪਣਾ ਦੋਸ਼ ਕਬੂਲ ਕੀਤਾ, ਇਸ ਹਫਤੇ ਕ੍ਰਾਊਨ ਨੇ ਲੰਬੇ ਵਿਚਾਰ ਵਟਾਂਦਰੇ ਤੋਂ ਬਾਅਦ ਦੋਸ਼ ਨੂੰ ਘਟਾ ਕੇ ਗੈਰ-ਇਰਦਾ ਕਤਲ ਵਿੱਚ ਬਦਲ ਦਿੱਤਾ। ਸਮਿਥ ਅਤੇ ਪੀੜਤ ਡੀਨ ਫਿਫੀਲਡ ਪਹਿਲਾਂ ਇਕੱਠੇ ਰਹਿੰਦੇ ਸਨ ਅਤੇ ਸਮਿਥ ਨੇ ਜਿਨ੍ਹਾਂ ਚੀਜ਼ਾਂ ‘ਤੇ ਮਾਲਕੀ ਦਾ ਦਾਅਵਾ ਕੀਤਾ ਸੀ, ਉਨ੍ਹਾਂ ਨੂੰ ਲੈ ਕੇ ਵਿਵਾਦ ਚੱਲ ਰਿਹਾ ਸੀ ਪਰ ਉਨ੍ਹਾਂ ਨੰੰ ਫਿਫੀਲਡ ਦੇ ਘਰ ‘ਚ ਸਟੋਰ ਕੀਤਾ ਗਿਆ ਸੀ। 13 ਜੂਨ 2024 ਨੂੰ ਸਮਿਥ ਜਾਇਦਾਦ ਦੀ ਵਸੂਲੀ ਲਈ ਵੈਸਟ ਆਕਲੈਂਡ ਵਿੱਚ ਫਿਫੀਲਡ ਦੇ ਘਰ ਗਈ, ਜਿੱਥੇ ਉਨ ਦੀ ਮਦਦ ਕਰਨ ਲਈ ਦੋ ਸਾਥੀ ਮੌਜੂਦ ਸੀ। ਸਮਿਥ ਅਤੇ ਉਸ ਦੇ ਸਾਥੀਆਂ ਘਰ ਦੇ ਡ੍ਰਾਈਵਵੇਅ ਵਿਚਲੀਆਂ ਚੀਜ਼ਾਂ ਨੂੰ ਲੈ ਕੇ ਫਿਫੀਲਡ ਨਾਲ ਵਿਵਾਦ ਹੋ ਗਿਆ। ਸਮਿਥ ਦੇ ਸਾਥੀ ਬਾਅਦ ਵਿਚ ਡ੍ਰਾਈਵਵੇਅ ਤੋਂ ਬਾਹਰ ਨਿਕਲ ਗਏ ਅਤੇ ਸੜਕ ਕਿਨਾਰੇ ਰੁਕ ਗਏ, ਜਦੋਂ ਕਿ ਸਮਿਥ ਦੀ ਕਾਰ ਸੜਕ ਦੇ ਸਾਹਮਣੇ ਡ੍ਰਾਈਵਵੇਅ ਵਿਚ ਹੀ ਰਹੀ। ਤੱਥਾਂ ਦੇ ਅਨੁਸਾਰ, ਇਕ ਸਮੇਂ ਫਿਫੀਲਡ ਨੇ ਸਹਿਯੋਗੀ ਦੀ ਗੱਡੀ ਦਾ ਪੈਦਲ ਪਿੱਛਾ ਕੀਤਾ ਅਤੇ “ਆਪਣੀ ਬੰਦ ਮੁਠੀ ਨਾਲ ਸਹਿਯੋਗੀ ਦੀ ਗੱਡੀ ‘ਤੇ ਮੁੱਕੇ ਮਾਰਨੇ ਸ਼ੁਰੂ ਕਰ ਦਿੱਤੇ, ਜਿਸ ਨਾਲ ਵਿੰਡਸਕ੍ਰੀਨ ਨੂੰ ਨੁਕਸਾਨ ਪਹੁੰਚਿਆ। ਇਸ ਤੋਂ ਬਾਅਦ, ਸਮਿਥ ਨੇ ਆਪਣੀ ਗੱਡੀ ਨੂੰ ਸਿੱਧਾ ਫਿਫੀਲਡ ਵੱਲ ਚਲਾਇਆ, ਜਿਸ ਨਾਲ ਉਹ ਸਮਿਥ ਦੀ ਗੱਡੀ ਦੇ ਬੋਨਟ ਤੋਂ ਸਿੱਧਾ
ਅੱਗੇ ਗੱਡੀ ਦੇ ਅੱਗੇ ਡਿੱਗ ਗਿਆ। ਸਮਿਥ ਨੇ ਆਪਣੀ ਗੱਡੀ ਗੱਡੀ ਚਲਾਉਣੀ ਕੁੱਝ ਦੂਰੀ ਤੱਕ ਚਲਾਉਣੀ ਜਾਰੀ ਰੱਖੀ। ਪੈਰਾਮੈਡਿਕਸ ਨੇ ਉਸ ਨੂੰ ਮੌਕੇ ‘ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ। ਸਮਿਥ ਨੂੰ ਅਗਸਤ ਵਿੱਚ ਸਜ਼ਾ ਸੁਣਾਈ ਜਾਣੀ ਹੈ।