ਇੱਕ ਭਾਰਤੀ ਪਰਫਾਰਮੈਂਸ ਗਰੁੱਪ (ਕਲਾਕਾਰਾਂ ਦੇ ਸਮੂਹ) ਨਾਲ ਜੁੜੀਆਂ ਵੀਜ਼ਾ ਅਰਜ਼ੀਆਂ ਵਿੱਚੋਂ ਲਗਭਗ ਇੱਕ ਤਿਹਾਈ ਜਾਂ ਤਾਂ ਰੱਦ ਕਰ ਦਿੱਤੀਆਂ ਗਈਆਂ, ਵਾਪਸ ਲੈ ਲਈਆਂ ਗਈਆਂ ਜਾਂ ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਦੀ ਜਾਂਚ ਤੋਂ ਬਾਅਦ ਫਰਜ਼ੀ ਦਸਤਾਵੇਜ਼ਾਂ ਸਮੇਤ ਹੋਰ ਚਿੰਤਾਵਾਂ ਲਈ ਚਿੰਨ੍ਹਤ ਕੀਤੀਆਂ ਗਈਆਂ।
ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਵੀਜ਼ਾ ਡਾਇਰੈਕਟਰ ਜੌਕ ਗਿਲਰੇ ਨੇ ਕਿਹਾ ਕਿ ਉਨ੍ਹਾਂ ਨੇ 27 ਭਾਰਤੀ ਨਾਗਰਿਕਾਂ ਦੇ ਇੱਕ ਸਮੂਹ ਲਈ ਵੀਜ਼ਾ ਅਰਜ਼ੀਆਂ ਦਾ ਮੁਲਾਂਕਣ ਕੀਤਾ, ਜੋ ‘ਕਮਿਊਨਿਟੀ
ਹੋਲੀ ਸੈਲੀਬ੍ਰੇਸ਼ਨ ਵਿਦ ਸ਼ਿਬਾਨੀ ਕਸ਼ਯਪ’ ਨਾਮਕ ਗਰੁੱਪ ਦੇ ਹਿੱਸੇ ਵਜੋਂ ਨਿਊਜ਼ੀਲੈਂਡ ਦੀ ਯਾਤਰਾ ਕਰਨਾ ਚਾਹੁੰਦੇ ਸਨ । ਕਸ਼ਯਪ ਦਿੱਲੀ ਦੀ ਇੱਕ ਪ੍ਰਸਿੱਧ ਬਾਲੀਵੁੱਡ ਸਟਾਰ चे।
ਇਸ ਗਰੁੱਪ ਨੇ ਪਿਛਲੇ ਸ਼ਨੀਵਾਰ ਪੁਕੀਕੋਹੀ ਵਿੱਚ ‘ਕਲਰਜ਼ ਇਨ ਦੇ ਪਾਰਕ’ ਈਵੈਂਟ ਵਿੱਚ ਪ੍ਰਦਰਸ਼ਨ ਕੀਤਾ ਸੀ। ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਪੁਸ਼ਟੀ ਕੀਤੀ ਕਿ ਇਹ ਈਵੈਂਟ ਅਸਲੀ ਸੀ, ਜਿਸ ਵਿੱਚ ਔਕਲੈਂਡ ਵਿੱਚ ਭਾਰਤੀ ਕੌਂਸਲ-ਜਨਰਲ ਨਾਲ ਸਲਾਹ-ਮਸ਼ਵਰਾ ਵੀ ਸ਼ਾਮਲ ਸੀ, ਜਿਨ੍ਹਾਂ ਨੇ ਪੁਸ਼ਟੀ ਕੀਤੀ ਕਿ ਉਹ ਇਸ ਈਵੈਂਟ ਦਾ ਸਮਰਥਨ ਕਰ ਰਹੇ ਸਨ। ਇਸ ਗਰੁੱਪ ਨੂੰ ਬਣਾਉਣ ਵਾਲੇ ਵਿਅਕਤੀਆਂ ‘ਤੇ ਇੱਕ ਮਜ਼ਬੂਤ ਅਤੇ ਨਿਰਪੱਖ ਮੁਲਾਂਕਣ ਪ੍ਰਕਿਰਿਆ ਲਾਗੂ ਕੀਤੀ ਗਈ ਸੀ, ਜਿਸ ਵਿੱਚ ਭਾਰਤ ਵਿੱਚ ਸਾਡੀ ਰਿਸਕ (ਜੋਖਮ) ਅਤੇ ਵੈਰੀਫਿਕੇਸ਼ਨ (ਪੜਤਾਲ) ਟੀਮਾਂ ਨਾਲ ਸਹਿਯੋਗ ਸ਼ਾਮਲ ਸੀ । ਉਨ੍ਹਾਂ ਕਿਹਾ ਕਿ ਗਰੁੱਪ ਲਈ ਸੱਤ ਵਿਜ਼ਟਰ ਵੀਜ਼ਾ ਅਰਜ਼ੀਆਂ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ, ਜੋ ਹਰੇਕ ਇੱਕ ਮਹੀਨੇ ਲਈ ਵੈਧ ਸਨ। ਕੁਝ ਅਰਜ਼ੀਆਂ ਵਿੱਚ ਫਰਜ਼ੀ ਦਸਤਾਵੇਜ਼ਾਂ ਸਮੇਤ ਹੋਰ ਚਿੰਤਾਵਾਂ ਦੀ ਪਛਾਣ ਹੋਣ ਤੋਂ ਬਾਅਦ ਚਾਰ ਅਰਜ਼ੀਆਂ ਰੱਦ ਕਰ ਦਿੱਤੀਆਂ ਗਈਆਂ ਅਤੇ ਤਿੰਨ ਵਾਪਸ ਲੈ ਲਈਆਂ ਗਈਆਂ।
ਗਿਲਰੇ ਨੇ ਦੱਸਿਆ ਕਿ ਖਾਸ ਤੌਰ ‘ਤੇ ਈਵੈਂਟ ਵਿੱਚ ਸ਼ਾਮਲ ਹੋਣ ਲਈ 13 ਥੋੜ੍ਹੇ ਸਮੇਂ ਦੇ ‘ਲਿਮਿਟਡ ਵੀਜ਼ਾ’ (ਸੀਮਤ ਵੀਜ਼ੇ) ਦਿੱਤੇ ਗਏ ਸਨ, ਜਦੋਂ ਅਧਿਕਾਰੀਆਂ ਨੇ ਇਹ ਨਿਰਧਾਰਤ ਕੀਤਾ ਕਿ ਇਸ ਨਾਲ ਪਛਾਣੇ ਗਏ ਜੋਖਮਾਂ ਨੂੰ ਘੱਟ ਕੀਤਾ ਜਾ ਸਕੇਗਾ।
ਉਹ ਲਿਮਿਟਡ ਵੀਜ਼ੇ ਅਗਲੇ ਸ਼ੁੱਕਰਵਾਰ ਨੂੰ ਖਤਮ ਹੋ ਜਾਣਗੇ ਅਤੇ ਇਹ ਵੀਜ਼ਾ ਧਾਰਕਾਂ ਨੂੰ ਨਿਊਜ਼ੀਲੈਂਡ ਵਿੱਚ ਰਹਿੰਦਿਆਂ ਕਿਸੇ ਹੋਰ ਵੀਜ਼ੇ ਲਈ ਅਪਲਾਈ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦੇ।
ਜਿਨ੍ਹਾਂ 20 ਲੋਕਾਂ ਦੀਆਂ ਅਰਜ਼ੀਆਂ ਮਨਜ਼ੂਰ ਹੋਈਆਂ ਸਨ, ਉਨ੍ਹਾਂ ਵਿੱਚੋਂ 18 ਲੋਕ 11 ਤੋਂ 24 ਫਰਵਰੀ ਦਰਮਿਆਨ ਇੱਥੇ ਪਹੁੰਚੇ। ਗਿਲਰੇ ਨੇ ਕਿਹਾ ਕਿ ਇੱਕ ਵੀਜ਼ਾ ਧਾਰਕ ਨੇ ਅਜੇ ਤੱਕ ਯਾਤਰਾ ਨਹੀਂ ਕੀਤੀ ਸੀ, ਜਦੋਂ ਕਿ ਇੱਕ ਹੋਰ ਨੂੰ ਵਾਧੂ ਚਿੰਤਾਵਾਂ ਸਾਹਮਣੇ ਆਉਣ ਤੋਂ ਬਾਅਦ ਨਿਊਜ਼ੀਲੈਂਡ ਜਾਣ ਤੋਂ ਰੋਕ ਦਿੱਤਾ ਗਿਆ ਸੀ। ਗਰੁੱਪ ਦੇ ਦੋ ਮੈਂਬਰ ਉਦੋਂ ਤੋਂ ਦੇਸ਼ ਛੱਡ ਚੁੱਕੇ ਹਨ, ਜਦਕਿ ਬਾਕੀ 16 ਅਜੇ ਵੀ ਵੱਧ ਵੀਜ਼ੇ ‘ਤੇ ਨਿਊਜ਼ੀਲੈਂਡ ਵਿੱਚ ਹਨ।
ਇਹ ਉਨ੍ਹਾਂ ਚੁਣੌਤੀਆਂ ਦੀ ਇੱਕ ਚੰਗੀ ਉਦਾਹਰਣ ਹੈ ਜਿਨ੍ਹਾਂ ਦਾ ਇਮੀਗ੍ਰੇਸ਼ਨ ਸਟਾਫ ਹਰ ਰੋਜ਼ ਸਾਹਮਣਾ ਕਰਦਾ ਹੈ ਕਿਉਂਕਿ ਅਸੀਂ ਜੋਖਮ ਪ੍ਰਬੰਧਨ ਅਤੇ ਸੈਲਾਨੀਆਂ ਲਈ ਸਹੂਲਤਾਂ ਦੇ ਵਿਚਕਾਰ ਸੰਤੁਲਨ ਬਣਾਉਂਦੇ ਹਾਂ। ਪੁਲਿਸ ਅਤੇ ਕਸਟਮ ਨੇ ਸਵਾਲਾਂ ਨੂੰ ਇਮੀਗ੍ਰੇਸ਼ਨ ਕੋਲ ਭੇਜ ਦਿੱਤਾ ਹੈ।