ਨਿਊਜ਼ੀਲੈਂਡ ‘ਚ 24 ਘੰਟਿਆਂ ਦੌਰਾਨ ਸੜਕ ਹਾਦਸਿਆਂ ਦਾ ਕਹਿਰ, 6 ਲੋਕਾਂ ਦੀ ਮੌਤ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਦੇਸ਼ ਭਰ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ ਵਾਪਰੇ ਵੱਖ-ਵੱਖ ਸੜਕ ਹਾਦਸਿਆਂ ਨੇ ਚਿੰਤਾ ਵਧਾ ਦਿੱਤੀ ਹੈ। ਵਾਇਕਾਟੋ, ਟਾਰਾਨਾਕੀ, ਆਕਲੈਂਡ, ਵਾਇਓਹਾਉ ਅਤੇ ਸਾਊਥਲੈਂਡ ਸਮੇਤ ਕਈ ਇਲਾਕਿਆਂ ਵਿੱਚ ਹੋਏ ਹਾਦਸਿਆਂ ‘ਚ ਕੁੱਲ ਛੇ ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਸਾਊਥਲੈਂਡ ਵਿੱਚ ਦੋ ਮੌਤਾਂ:- ਸਾਊਥਲੈਂਡ ਦੇ ਇਨਵਰਕਾਰਗਿਲ ਸ਼ਹਿਰ ਵਿੱਚ ਇੱਕ ਵਿਅਕਤੀ ਦੀ ਮੌਤ ਉਸ ਵੇਲੇ ਹੋਈ ਜਦੋਂ ਉਹ ਪੁਲਿਸ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਸਵੇਰੇ ਕਰੀਬ 3 ਵਜੇ ਪੁਲਿਸ ਨੇ ਕੇਲਵਿਨ ਸਟ੍ਰੀਟ ‘ਤੇ ਵਾਹਨ ਰੋਕਣ ਲਈ ਇਸ਼ਾਰਾ ਕੀਤਾ, ਪਰ ਡਰਾਈਵਰ ਨੇ ਵਾਹਨ ਭਜਾ ਲਿਆ। ਕੁਝ ਸਮੇਂ ਬਾਅਦ ਲੀਟ ਅਤੇ ਕੇਲਵਿਨ ਸਟ੍ਰੀਟ ਦੇ ਚੌਰਾਹੇ ‘ਤੇ ਵਾਹਨ ਹਾਦਸਾਗ੍ਰਸਤ ਮਿਲਿਆ, ਜਿੱਥੇ ਇੱਕ ਵਿਅਕਤੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਇਸ ਮਾਮਲੇ ਦੀ ਜਾਂਚ ਲਈ ਸੜਕ ਨੂੰ ਬੰਦ ਕਰ ਦਿੱਤਾ ਗਿਆ ਅਤੇ ਕੇਸ ਨੂੰ Independent Police Conduct Authority ਕੋਲ ਭੇਜਿਆ ਜਾ ਰਿਹਾ ਹੈ। ਪੁਲਿਸ ਨੇ ਗਵਾਹਾਂ ਨੂੰ ਅੱਗੇ ਆਉਣ ਦੀ ਅਪੀਲ ਕੀਤੀ ਹੈ।
ਇਸੇ ਇਲਾਕੇ ਵਿੱਚ ਵਿੰਡਿੰਗ ਕ੍ਰੀਕ ਰੋਡ ‘ਤੇ ਇੱਕ ਹੋਰ ਇਕੱਲੇ ਵਾਹਨ ਦੇ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ, ਜਦਕਿ ਦੂਜਾ ਵਿਅਕਤੀ ਜ਼ਖ਼ਮੀ ਹੋਇਆ।
ਵਾਇਕਾਟੋ ਵਿੱਚ ਹਾਦਸਾ:-ਵਾਇਕਾਟੋ ਦੇ ਟੈਂਪਲ ਵਿਊ (ਹੈਮਿਲਟਨ ਨੇੜੇ) ਹੋਵਡਨ ਰੋਡ ‘ਤੇ ਸ਼ਨੀਵਾਰ ਰਾਤ ਇਕੱਲੇ ਵਾਹਨ ਦੇ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।
ਆਕਲੈਂਡ ਵਿੱਚ ਟੱਕਰ:-ਆਕਲੈਂਡ ਦੇ ਸਾਊਥਵੈਸਟਰਨ ਮੋਟਰਵੇ (ਸਟੇਟ ਹਾਈਵੇ 20) ‘ਤੇ ਓਨਹੁੰਗਾ ਨੇੜੇ ਦੋ ਵਾਹਨਾਂ ਦੀ ਟੱਕਰ ਵਿੱਚ ਇੱਕ ਵਿਅਕਤੀ ਦੀ ਜਾਨ ਚਲੀ ਗਈ, ਜਦਕਿ ਦੋ ਹੋਰ ਲੋਕ ਦਰਮਿਆਨੀਆ ਜ਼ਖ਼ਮੀ ਹੋਏ।
ਟਾਰਾਨਾਕੀ ‘ਚ ਵੀ ਹਾਦਸਾ:-ਟਾਰਾਨਾਕੀ ਦੇ ਸਟ੍ਰੈਟਫੋਰਡ ਇਲਾਕੇ ਵਿੱਚ ਫਰਗਾਟਨ ਵਰਲਡ ਹਾਈਵੇ (SH43) ‘ਤੇ ਇਕੱਲੇ ਵਾਹਨ ਦੇ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।
ਵਾਇਓਹਾਉ :-ਵਾਇਓਹਾਉ ਦੇ ਗਲੇਟੀਆ ਰੋਡ ‘ਤੇ ਸ਼ਾਮ ਸਮੇਂ ਵਾਪਰੇ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਵਾਹਨ ਵਿੱਚ ਸਿਰਫ ਇੱਕ ਹੀ ਵਿਅਕਤੀ ਸਵਾਰ ਸੀ। ਹਾਦਸੇ ਤੋਂ ਬਾਅਦ ਰਸਤਾ ਬੰਦ ਕਰਕੇ ਡਾਇਵਰਸ਼ਨ ਲਾਗੂ ਕੀਤੇ ਗਏ।
ਜਾਂਚ ਜਾਰੀ
ਪੁਲਿਸ ਵੱਲੋਂ ਸਾਰੇ ਮਾਮਲਿਆਂ ਦੀ ਵੱਖ-ਵੱਖ ਤੌਰ ‘ਤੇ ਜਾਂਚ ਕੀਤੀ ਜਾ ਰਹੀ ਹੈ। ਅਧਿਕਾਰੀਆਂ ਨੇ ਲੋਕਾਂ ਨੂੰ ਸੜਕ ਸੁਰੱਖਿਆ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਸਾਵਧਾਨੀ ਵਰਤਣ ਦੀ ਅਪੀਲ ਕੀਤੀ ਹੈ।
ਲਗਾਤਾਰ ਵਧ ਰਹੇ ਸੜਕ