ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੇ ਹੈਸਟਿੰਗਜ਼ ਸ਼ਹਿਰ ਵਿੱਚ ਮੈਕਕੇਨ ਦੀ ਸਬਜ਼ੀ ਪ੍ਰੋਸੈਸਿੰਗ ਫੈਕਟਰੀ ਨੂੰ ਬੰਦ ਕਰਨ ਦੇ ਐਲਾਨ ਨਾਲ ਸਥਾਨਕ ਇਲਾਕੇ ਵਿੱਚ ਚਿੰਤਾ ਦੀ ਲਹਿਰ ਦੌੜ ਗਈ ਹੈ। ਮੇਅਰ ਵੇਂਡੀ ਸਕੋਲਮ ਨੇ ਇਸ ਫੈਸਲੇ ਨੂੰ “ਬਹੁਤ ਹੀ ਨਿਰਾਸ਼ਾਜਨਕ ਅਤੇ ਤਬਾਹੀ ਵਾਲਾ” ਕਰਾਰ ਦਿੱਤਾ ਹੈ।
ਕੰਪਨੀ ਵੱਲੋਂ ਦੱਸਿਆ ਗਿਆ ਹੈ ਕਿ ਇਹ ਫੈਕਟਰੀ 2027 ਤੱਕ ਬੰਦ ਕਰ ਦਿੱਤੀ ਜਾਵੇਗੀ। ਹਾਲਾਂਕਿ, ਕਿੰਨੀ ਨੌਕਰੀਆਂ ਪ੍ਰਭਾਵਿਤ ਹੋਣਗੀਆਂ ਇਸ ਬਾਰੇ ਕੋਈ ਸਪਸ਼ਟ ਅੰਕੜਾ ਸਾਹਮਣੇ ਨਹੀਂ ਆਇਆ, ਪਰ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਗਿਣਤੀ ਸੈਂਕੜਿਆਂ ਵਿੱਚ ਹੋ ਸਕਦੀ ਹੈ।
ਮੇਅਰ ਨੇ ਕਿਹਾ ਕਿ ਇਸ ਫੈਸਲੇ ਦਾ ਅਸਰ ਸਿਰਫ਼ ਫੈਕਟਰੀ ਵਿੱਚ ਕੰਮ ਕਰਨ ਵਾਲਿਆਂ ਤੱਕ ਸੀਮਿਤ ਨਹੀਂ ਰਹੇਗਾ, ਸਗੋਂ ਕਿਸਾਨਾਂ, ਟ੍ਰਾਂਸਪੋਰਟ ਕੰਪਨੀਆਂ ਅਤੇ ਸਥਾਨਕ ਕਾਰੋਬਾਰਾਂ ‘ਤੇ ਵੀ ਵੱਡਾ ਝਟਕਾ ਪਵੇਗਾ। ਇਹ ਪੂਰੇ ਇਲਾਕੇ ਦੀ ਅਰਥਵਿਵਸਥਾ ‘ਤੇ ਡੋਮਿਨੋ ਅਸਰ ਪੈਦਾ ਕਰ ਸਕਦਾ ਹੈ।
ਇਹ ਫੈਕਟਰੀ ਹਰ ਸਾਲ 50,000 ਟਨ ਤੋਂ ਵੱਧ ਸਬਜ਼ੀਆਂ ਦੀ ਪ੍ਰੋਸੈਸਿੰਗ ਕਰਦੀ ਸੀ, ਜਿਸ ਨਾਲ ਇਹ ਖੇਤਰ ਦੀ ਖੇਤੀਬਾੜੀ ਅਤੇ ਫੂਡ ਇੰਡਸਟਰੀ ਲਈ ਮਹੱਤਵਪੂਰਨ ਕੇਂਦਰ ਸੀ।
ਕੰਪਨੀ ਮੁਤਾਬਕ ਇਹ ਫੈਸਲਾ ਇੱਕ ਰਣਨੀਤਿਕ ਸਮੀਖਿਆ ਤੋਂ ਬਾਅਦ ਲਿਆ ਗਿਆ ਹੈ, ਜਿਸ ਅਧੀਨ ਉਹ ਆਪਣੇ ਸਪਲਾਈ ਮਾਡਲ ਵਿੱਚ ਬਦਲਾਅ ਕਰ ਰਹੀ ਹੈ।
ਮੇਅਰ ਨੇ ਕਿਹਾ ਕਿ ਆਉਣ ਵਾਲਾ ਸਮਾਂ ਮੁਸ਼ਕਿਲ ਹੋਵੇਗਾ, ਪਰ ਇਲਾਕਾ ਪਹਿਲਾਂ ਵੀ ਚੁਣੌਤੀਆਂ ਦਾ ਸਾਹਮਣਾ ਕਰਦਾ ਆਇਆ ਹੈ ਅਤੇ ਇਸ ਵਾਰ ਵੀ ਲੋਕ ਇਕੱਠੇ ਹੋ ਕੇ ਇਸ ਸੰਕਟ ਤੋਂ ਨਿਕਲਣ ਦੀ ਕੋਸ਼ਿਸ਼ ਕਰਨਗੇ।
ਹੇਸਟਿੰਗਜ਼ ਵਿੱਚ ਮੈਕਕੇਨ ਫੈਕਟਰੀ ਬੰਦ ਕਰਨ ਦਾ ਫੈਸਲਾ, ਮੇਅਰ ਨੇ ਦੱਸਿਆ “ਤਬਾਹੀ ਵਾਲਾ ਕਦਮ”
