ਇਮੀਗ੍ਰੇਸ਼ਨ ਐਡਵਾਈਜ਼ਰ ਦੀ ਗਲਤੀ ਨਾਲ ਫਿਲੀਪੀਨੀ ਮਜ਼ਦੂਰ ਨੂੰ ਛੱਡਣਾ ਪਿਆ ਨਿਊਜ਼ੀਲੈਂਡ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਵਿੱਚ ਇੱਕ ਪ੍ਰਵਾਸੀ ਕਰਮਚਾਰੀ ਨੂੰ ਆਪਣਾ ਸਭ ਕੁਝ ਛੱਡ ਕੇ ਦੇਸ਼ ਛੱਡਣਾ ਪਿਆ — ਕਾਰਨ ਸੀ ਉਸਦੇ ਇਮੀਗ੍ਰੇਸ਼ਨ ਐਡਵਾਈਜ਼ਰ ਦੀ ਲਾਪਰਵਾਹੀ।
ਰੋਟੋਰੂਆ ਦੇ ਲਾਇਸੰਸਸ਼ੁਦਾ ਐਡਵਾਈਜ਼ਰ ਫਿਲਿਪ ਲੈਸਲੀ ਵ੍ਹੇਰੇਕੂਰਾ ਨੇ ਇੱਕ ਫਿਲੀਪੀਨੀ ਕਰਮਚਾਰੀ ਦੀ ਰਿਹਾਇਸ਼ ਅਰਜ਼ੀ ਸੰਭਾਲਦੇ ਸਮੇਂ ਗੰਭੀਰ ਗਲਤੀਆਂ ਕੀਤੀਆਂ। ਕਰਮਚਾਰੀ ਨੇ ਕਈ ਵਾਰ ਕਿਹਾ ਕਿ ਉਸਦੀ ਸਾਥੀ ਨੂੰ ਅਰਜ਼ੀ ਤੋਂ ਹਟਾਇਆ ਜਾਵੇ, ਪਰ ਵ੍ਹੇਰੇਕੂਰਾ ਨੇ ਇਹ ਕਦਮ ਨਹੀਂ ਚੁੱਕਿਆ।
ਇਸ ਗਲਤੀ ਦੇ ਨਤੀਜੇ ਵਜੋਂ, ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਮਈ 2024 ਵਿੱਚ ਅਰਜ਼ੀ ਰੱਦ ਕਰ ਦਿੱਤੀ, ਕਿਉਂਕਿ ਜੋੜੇ ਦੇ ਰਿਸ਼ਤੇ ਦਾ ਸਬੂਤ ਅਧੂਰਾ ਮੰਨਿਆ ਗਿਆ। ਨਤੀਜਾ ਇਹ ਹੋਇਆ ਕਿ ਮਜ਼ਦੂਰ ਨੂੰ ਆਪਣੀ ਨੌਕਰੀ, ਘਰ ਅਤੇ ਨਿਊਜ਼ੀਲੈਂਡ ਵਿੱਚ ਬਣਾਇਆ ਸਥਿਰ ਜੀਵਨ ਸਭ ਕੁਝ ਖੋਣਾ ਪਿਆ।
ਇਮੀਗ੍ਰੇਸ਼ਨ ਐਡਵਾਈਜ਼ਰਜ਼ ਕਮਪਲੇਂਟਸ ਐਂਡ ਡਿਸ਼ਪਲਿਨਰੀ ਟ੍ਰਿਬਿਊਨਲ ਨੇ ਆਪਣੇ ਫ਼ੈਸਲੇ ਵਿੱਚ ਕਿਹਾ ਕਿ ਐਡਵਾਈਜ਼ਰ ਨੂੰ ਤਿੰਨ ਵਾਰ ਸਪਸ਼ਟ ਨਿਰਦੇਸ਼ ਦਿੱਤੇ ਗਏ ਸਨ ਕਿ ਸਾਥੀ ਨੂੰ ਅਰਜ਼ੀ ਤੋਂ ਹਟਾਇਆ ਜਾਵੇ, ਪਰ ਉਸ ਨੇ ਇਹ ਨਹੀਂ ਕੀਤਾ — ਜੋ ਕਿ ਗੰਭੀਰ ਪੇਸ਼ਾਵਰ ਗਲਤੀ ਸੀ।
ਇਸ ਮਾਮਲੇ ਵਿੱਚ ਇੱਕ ਰੋਸ਼ਨੀ ਦੀ ਕਿਰਨ ਹਨੀ ਰਸਾਲਨ, ਜੋ ਕਿ ਐੱਨਜੈੱਡ ਇਮੀਗ੍ਰੇਸ਼ਨ ਸਪੋਰਟ ਸਰਵਿਸ ਦੀ ਡਾਇਰੈਕਟਰ ਹੈ, ਵਜੋਂ ਸਾਹਮਣੇ ਆਈ। ਉਨ੍ਹਾਂ ਨੇ ਇਮੀਗ੍ਰੇਸ਼ਨ ਐਡਵਾਈਜ਼ਰ ਅਥਾਰਟੀ ਕੋਲ ਸ਼ਿਕਾਇਤ ਦਰਜ ਕਰਵਾਈ ਅਤੇ ਮਜ਼ਦੂਰ ਦੀ ਅਪੀਲ ਪ੍ਰਕਿਰਿਆ ਵਿੱਚ ਸਹਾਇਤਾ ਕੀਤੀ।
ਉਨ੍ਹਾਂ ਦੀ ਮਦਦ ਨਾਲ, ਅੰਤ ਵਿੱਚ ਉਹ ਕਰਮਚਾਰੀ ਪੱਕੀ ਰਿਹਾਇਸ਼ ਪ੍ਰਾਪਤ ਕਰਨ ਵਿੱਚ ਸਫਲ ਰਹਿਆ, ਅਤੇ ਕੁਝ ਸਮੇਂ ਬਾਅਦ ਉਸਦੀ ਸਾਥੀ ਨੂੰ ਵੀ ਰਿਹਾਇਸ਼ ਮਿਲ ਗਈ।
ਇਹ ਘਟਨਾ ਇਹ ਦਰਸਾਉਂਦੀ ਹੈ ਕਿ ਇੱਕ ਛੋਟੀ ਲਾਪਰਵਾਹੀ ਵੀ ਕਿਸੇ ਪ੍ਰਵਾਸੀ ਦੇ ਜੀਵਨ ਤੇ ਕਿੰਨਾ ਵੱਡਾ ਅਸਰ ਪਾ ਸਕਦੀ ਹੈ, ਅਤੇ ਕਿਉਂ ਜਿੰਮੇਵਾਰ ਤੇ ਯੋਗ ਇਮੀਗ੍ਰੇਸ਼ਨ ਸਲਾਹਕਾਰ ਚੁਣਨਾ ਬਹੁਤ ਜ਼ਰੂਰੀ ਹੈ।