ਆਕਲੈਂਡ (ਐੱਨ ਜੈੱਡ ਤਸਵੀਰ) Dunedin — ਖਾਣ-ਪੀਣ ਦੀ ਸੁਰੱਖਿਆ ਨਾਲ ਜੁੜੀ ਲਾਪਰਵਾਹੀ ਦੇ ਮਾਮਲੇ ਵਿੱਚ ਸੁਪਰਮਾਰਕੀਟ ਚੇਨ Woolworths New Zealand ਨੂੰ $33,000 ਦਾ ਜੁਰਮਾਨਾ ਭਰਨਾ ਪਿਆ ਹੈ। ਇਹ ਕਾਰਵਾਈ ਉਸ ਸਟੋਰ ਵਿੱਚ ਚੂਹਿਆਂ ਦੀ ਭਾਰੀ ਭਰਕਮ ਮੌਜੂਦਗੀ ਦੇ ਮਾਮਲੇ ‘ਚ ਕੀਤੀ ਗਈ ਹੈ।
ਅਦਾਲਤ ਵਿੱਚ ਪੇਸ਼ ਕੀਤੀ ਗਈ ਜਾਣਕਾਰੀ ਅਨੁਸਾਰ, ਅਕਤੂਬਰ 2023 ਤੋਂ ਫਰਵਰੀ 2024 ਤੱਕ ਸਟੋਰ ਵਿੱਚ ਚੂਹਿਆਂ ਦੀ ਸਮੱਸਿਆ ਲਗਾਤਾਰ ਬਣੀ ਰਹੀ, ਜਿਸ ਦੌਰਾਨ 100 ਤੋਂ ਵੱਧ ਵਾਰ ਚੂਹਿਆਂ ਦੇ ਵੇਖੇ ਜਾਣ ਦੀਆਂ ਘਟਨਾਵਾਂ ਦਰਜ ਕੀਤੀਆਂ ਗਈਆਂ।
ਹਾਲਾਤ ਇਨ੍ਹਾਂ ਤੱਕ ਬਿਗੜ ਗਏ ਕਿ ਫਰਵਰੀ 2024 ਵਿੱਚ ਸਟੋਰ ਨੂੰ ਕਰੀਬ ਤਿੰਨ ਹਫ਼ਤਿਆਂ ਲਈ ਬੰਦ ਕਰਨਾ ਪਿਆ, ਤਾਂ ਜੋ ਪੂਰੀ ਤਰ੍ਹਾਂ ਸਫਾਈ ਅਤੇ ਪੈਸਟ ਕੰਟਰੋਲ ਕੀਤਾ ਜਾ ਸਕੇ।
ਅਦਾਲਤ ਨੇ ਇਸ ਮਾਮਲੇ ਨੂੰ “ਸਿਸਟਮਿਕ ਫੇਲਿਅਰ” ਕਰਾਰ ਦਿੰਦਿਆਂ ਕਿਹਾ ਕਿ ਸਟਾਫ ਵੱਲੋਂ ਸਮੱਸਿਆ ਨੂੰ ਸਮੇਂ ‘ਤੇ ਉੱਚ ਅਧਿਕਾਰੀਆਂ ਤੱਕ ਨਾ ਪਹੁੰਚਾਉਣਾ ਗੰਭੀਰ ਲਾਪਰਵਾਹੀ ਸੀ। ਜੱਜ ਨੇ ਇਹ ਵੀ ਉਲਲੇਖ ਕੀਤਾ ਕਿ ਇਸ ਕਾਰਨ ਗਾਹਕਾਂ ਅਤੇ ਕਰਮਚਾਰੀਆਂ ਦੀ ਸਿਹਤ ਨੂੰ ਖਤਰਾ ਪੈਦਾ ਹੋਇਆ, ਕਿਉਂਕਿ ਚੂਹੇ ਖਤਰਨਾਕ ਬੈਕਟੀਰੀਆ ਫੈਲਾ ਸਕਦੇ ਹਨ।
ਇਹ ਮਾਮਲਾ ਫੂਡ ਸੇਫਟੀ ਨਿਯਮਾਂ ਦੀ ਮਹੱਤਤਾ ਨੂੰ ਉਜਾਗਰ ਕਰਦਾ ਹੈ ਅਤੇ ਦਿਖਾਉਂਦਾ ਹੈ ਕਿ ਲਾਪਰਵਾਹੀ ਦੇ ਗੰਭੀਰ ਨਤੀਜੇ ਨਿਕਲ ਸਕਦੇ ਹਨ।