ਆਕਲੈਂਡ (ਐੱਨ ਜੈੱਡ ਤਸਵੀਰ) ਤਾਜ਼ਾ ਪੋਲ ਵਿੱਚ ਆਈ ਗਿਰਾਵਟ ਤੋਂ ਬਾਅਦ ਪ੍ਰਧਾਨ ਮੰਤਰੀ ਲਕਸਨ ਨੇ ਮੰਨਿਆ ਹੈ ਕਿ ਸਰਕਾਰ ਇਸ ਵੇਲੇ ਉਸ ਮੌਕੇ ‘ਤੇ ਨਹੀਂ ਹੈ ਜਿੱਥੇ ਉਹ ਹੋਣਾ ਚਾਹੁੰਦੀ ਸੀ। ਹਾਲਾਂਕਿ ਉਨ੍ਹਾਂ ਨੇ ਨੇਤ੍ਰਿਤਵ ਨੂੰ ਲੈ ਕੇ ਉੱਠ ਰਹੀਆਂ ਅਟਕਲਾਂ ਨੂੰ ਰੱਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀ caucus ਦਾ ਪੂਰਾ ਸਮਰਥਨ ਹਾਸਲ ਹੈ।
ਲਕਸਨ ਨੇ ਪੋਲ ਨਤੀਜਿਆਂ ‘ਤੇ ਪ੍ਰਤੀਕਿਰਿਆ ਦਿੰਦਿਆਂ ਕਿਹਾ ਕਿ ਇਹ ਸਰਕਾਰ ਲਈ ਇੱਕ ਚੇਤਾਵਨੀ ਹੈ ਅਤੇ “ਹੋਰ ਬਿਹਤਰ ਕਰਨ” ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਕਾਰਗੁਜ਼ਾਰੀ ਰਾਹੀਂ ਲੋਕਾਂ ਦਾ ਭਰੋਸਾ ਮੁੜ ਜਿੱਤਣ ਲਈ ਕੰਮ ਕਰੇਗੀ।
ਤਾਜ਼ਾ 1News Verian poll ਮੁਤਾਬਕ ਨੈਸ਼ਨਲ ਪਾਰਟੀ 30 ਫ਼ੀਸਦੀ ‘ਤੇ ਆ ਗਈ ਹੈ, ਜਦਕਿ ਲੇਬਰ 37 ਫ਼ੀਸਦੀ ‘ਤੇ ਅੱਗੇ ਦੱਸੀ ਗਈ। Preferred PM ਰੇਟਿੰਗ ਵਿੱਚ ਵੀ ਲਕਸਨ 16 ਫ਼ੀਸਦੀ ਤੱਕ ਡਿੱਗੇ ਹਨ।
ਲਕਸਨ ਨੇ ਸਾਫ਼ ਕੀਤਾ ਕਿ ਉਹ ਅਹੁਦਾ ਛੱਡਣ ਬਾਰੇ ਨਹੀਂ ਸੋਚ ਰਹੇ ਅਤੇ ਪੋਲ ਨਤੀਜਿਆਂ ਨੂੰ “wake-up call” ਵਜੋਂ ਲੈਂਦੇ ਹੋਏ ਸਰਕਾਰ ਦੀ ਦਿਸ਼ਾ ਅਤੇ ਤਰਜੀਹਾਂ ‘ਤੇ ਧਿਆਨ ਦਿੱਤਾ ਜਾਵੇਗਾ।
ਮਾਹਿਰਾਂ ਅਨੁਸਾਰ, ਇਹ ਨਤੀਜੇ ਸਰਕਾਰ ਲਈ ਰਾਜਨੀਤਿਕ ਦਬਾਅ ਵਧਾ ਸਕਦੇ ਹਨ, ਖ਼ਾਸ ਕਰਕੇ ਜੇ ਆਉਣ ਵਾਲੇ ਮਹੀਨਿਆਂ ਵਿੱਚ ਇਹ ਰੁਝਾਨ ਜਾਰੀ ਰਹਿੰਦਾ ਹੈ।
ਫਿਲਹਾਲ ਨਜ਼ਰ ਇਸ ਗੱਲ ‘ਤੇ ਹੈ ਕਿ ਸਰਕਾਰ ਇਸ ਪੋਲ ਸੰਦੇਸ਼ ਤੋਂ ਬਾਅਦ ਆਪਣੀ ਰਣਨੀਤੀ ਵਿੱਚ ਕੀ ਤਬਦੀਲੀਆਂ ਕਰਦੀ ਹੈ ਅਤੇ ਕੀ ਇਹ ਗਿਰਾਵਟ ਰੋਕੀ ਜਾ ਸਕੇਗੀ।
ਪੋਲ ਝਟਕੇ ਤੋਂ ਬਾਅਦ ਲਕਸਨ ਨੇ ਮੰਨੀ ਗਿਰਾਵਟ, ਕਿਹਾ—‘ਅਸੀਂ ਉੱਥੇ ਨਹੀਂ ਜਿੱਥੇ ਹੋਣਾ ਚਾਹੁੰਦੇ’
