ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੀ ਸਰਕਾਰੀ ਰੇਲ ਏਜੰਸੀ ‘ਕੀਵੀ ਰੇਲ’ ਦੇ ਬੋਰਡ ਮੈਂਬਰ Scott O’Donnell ਦੀ ਕਾਰਗੁਜ਼ਾਰੀ ਸਵਾਲਾਂ ਦੇ ਘੇਰੇ ਵਿੱਚ ਆ ਗਈ ਹੈ, ਕਿਉਂਕਿ ਉਹ ਸਿਰਫ਼ ਅੱਠ ਮਹੀਨਿਆਂ ਦੇ ਕਾਰਜਕਾਲ ਦੌਰਾਨ 34 ਅਜੈਂਡਾ ਆਈਟਮਾਂ ਵਿੱਚ ਹਿੱਸਾ ਨਹੀਂ ਲੈ ਸਕੇ।
ਰਿਪੋਰਟ ਮੁਤਾਬਕ 15 ਅਜੈਂਡਾ ਆਈਟਮ conflict of interest ਕਾਰਨ ਮਿਸ ਹੋਈਆਂ, ਜਦਕਿ ਹੋਰ 19 ਮਾਮਲੇ ਗੈਰਹਾਜ਼ਰੀ ਜਾਂ ਯਾਤਰਾ ਕਾਰਨਾਂ ਕਰਕੇ ਛੁੱਟੇ। ਇਸ ਕਾਰਨ ਬੋਰਡ ਦੀ ਕਾਰਗੁਜ਼ਾਰੀ ਅਤੇ ਫ਼ੈਸਲਾ ਲੈਣ ਦੀ ਪ੍ਰਕਿਰਿਆ ‘ਤੇ ਅਸਰ ਪੈਣ ਦੀਆਂ ਚਿੰਤਾਵਾਂ ਜਤਾਈਆਂ ਗਈਆਂ ਹਨ।
ਦੱਸਿਆ ਗਿਆ ਹੈ ਕਿ Winston Peters ਵੱਲੋਂ ਕੀਤੀ ਗਈ ਨਿਯੁਕਤੀ ਸਮੇਂ ਹੀ ਸੰਭਾਵੀ conflict of interest ਨੂੰ ਲੈ ਕੇ ਚਿੰਤਾਵਾਂ ਸਾਹਮਣੇ ਆਈਆਂ ਸਨ, ਕਿਉਂਕਿ ਓ’ਡੋਨਲ ਨਾਲ ਜੁੜੀਆਂ ਕਈ ਕੰਪਨੀਆਂ ‘ਕੀਵੀ ਰੇਲ’ ਨੂੰ ਸੇਵਾਵਾਂ ਪ੍ਰਦਾਨ ਕਰਦੀਆਂ ਹਨ। ਇਸ ਮਾਮਲੇ ਨੇ ਨਿਯੁਕਤੀ ਪ੍ਰਕਿਰਿਆ ਨੂੰ ਲੈ ਕੇ ਵੀ ਨਵੇਂ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
ਇਸ ਵਿਚਕਾਰ, ਓ’ਡੋਨਲ ਨੇ ਆਸਟ੍ਰੇਲੀਆ ਵਿੱਚ ਨਵੇਂ ਕਾਰੋਬਾਰੀ ਉਪਰਾਲੇ ਲਈ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਇੰਨੇ ਵੱਡੇ conflict of interest ਨਾਲ ਇਸ ਤਰ੍ਹਾਂ ਦੀ ਨਿਯੁਕਤੀ ਸ਼ੁਰੂ ਤੋਂ ਹੀ ਅਮਲੀ ਤੌਰ ‘ਤੇ ਮੁਸ਼ਕਲ ਸੀ।
ਮਾਮਲੇ ਨੇ ਸਰਕਾਰੀ ਬੋਰਡਾਂ ਵਿੱਚ ਨਿਯੁਕਤੀਆਂ ਅਤੇ conflict of interest ਨਿਯਮਾਂ ਦੀ ਸਮੀਖਿਆ ਦੀ ਲੋੜ ਨੂੰ ਇੱਕ ਵਾਰ ਫਿਰ ਚਰਚਾ ਵਿੱਚ ਲਿਆ ਦਿੱਤਾ ਹੈ।
ਕੀਵੀਰੇਲ ਬੋਰਡ ਮੈਂਬਰ ਦੀ ਕਾਰਗੁਜ਼ਾਰੀ ‘ਤੇ ਉੱਠੇ ਸਵਾਲ, ਅੱਠ ਮਹੀਨਿਆਂ ਵਿੱਚ 34 ਅਜੈਂਡਾ ਆਈਟਮ ਰਹੇ ਮਿਸ
