ਆਕਲੈਂਡ (ਐੱਨ ਜੈੱਡ ਤਸਵੀਰ) ਫੀਲਡਿੰਗ ਵਿਚ ਇਕ ਜਾਇਦਾਦ ਦੀ ਤਲਾਸ਼ੀ ਦੌਰਾਨ ਇਕ ਪੁਲਿਸ ਅਧਿਕਾਰੀ ਦੇ ਨੇੜੇ ਇਕ ਘਰੇਲੂ ਬੰਬ ਧਮਾਕਾ ਹੋਇਆ। ਪੁਲਸ ਨੇ ਦੱਸਿਆ ਕਿ ਇਕ ਵਿਅਕਤੀ ਨੂੰ ਵੀਰਵਾਰ ਨੂੰ ਇਕ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਗ੍ਰਿਫਤਾਰ ਕੀਤਾ ਗਿਆ ਕਿ ਉਸ ਕੋਲ ਪਾਬੰਦੀਸ਼ੁਦਾ ਫੌਜੀ ਸ਼ੈਲੀ ਦੀ ਸੈਮੀ-ਆਟੋਮੈਟਿਕ ਬੰਦੂਕ ਹੈ। ਬਾਅਦ ਵਿੱਚ ਦੂਜੀ ਤਲਾਸ਼ੀ ਦੌਰਾਨ ਇੱਕ ਤਾਜ਼ਾ ਵਿਸਫੋਟਕ ਉਪਕਰਣ ਮਿਲਿਆ। ਜਦੋਂ ਰੱਖਿਆ ਬਲ ਦੀ ਵਿਸਫੋਟਕ ਆਰਡਨੈਂਸ ਡਿਸਪੋਜ਼ਲ ਟੀਮ ਘਰੇਲੂ ਬੰਬ ਨੂੰ ਸੁਰੱਖਿਅਤ ਕਰ ਰਹੀ ਸੀ ਤਾਂ ਇਕ ਹੋਰ ਧਮਾਕਾ ਇਕ ਪੁਲਿਸ ਅਧਿਕਾਰੀ ਦੇ ਨੇੜੇ ਹੋਇਆ। ਅਧਿਕਾਰੀ ਨੂੰ ਕੋਈ ਸੱਟ ਨਹੀਂ ਲੱਗੀ। ਨੇੜਲੇ ਘਰਾਂ ਨੂੰ ਖਾਲੀ ਕਰਵਾ ਲਿਆ ਗਿਆ ਜਦਕਿ ਬਾਕੀ ਜਾਇਦਾਦ ਦੀ ਤਲਾਸ਼ੀ ਲਈ ਗਈ। 43 ਸਾਲਾ ਵਿਅਕਤੀ ਨੂੰ ਹਥਿਆਰਾਂ ਦੇ ਦੋਸ਼ਾਂ ‘ਚ ਅੱਜ ਪਾਮਰਸਟਨ ਨਾਰਥ ਡਿਸਟ੍ਰਿਕਟ ਕੋਰਟ ‘ਚ ਪੇਸ਼ ਕੀਤਾ ਜਾਵੇਗਾ।
ਪੁਲਿਸ ਅਧਿਕਾਰੀ ਦੇ ਕੋਲ ਘਰੇਲੂ ਬੰਬ ਫਟਿਆ,
