ਆਕਲੈਂਡ (ਐੱਨ ਜੈੱਡ ਤਸਵੀਰ) ਫਾਇਰ ਬ੍ਰਿਗੇਡ ਦਾ ਇਕ ਦਲ ਉੱਤਰੀ ਵਾਈਕਾਟੋ ‘ਚ ਦਲਦਲੀ ਜ਼ਮੀਨ ‘ਚ ਲੱਗੀ 35 ਹੈਕਟੇਅਰ ਜ਼ਮੀਨ ‘ਚ ਲੱਗੀ ਅੱਗ ‘ਤੇ ਰਾਤ ਭਰ ਨਜ਼ਰ ਰੱਖੇਗਾ। ਨਿਊਜ਼ੀਲੈਂਡ ਦੀਆਂ ਫਾਇਰ ਅਤੇ ਐਮਰਜੈਂਸੀ ਸੇਵਾਵਾਂ ਨੂੰ ਅੱਜ ਦੁਪਹਿਰ 1 ਵਜੇ ਦੇ ਕਰੀਬ ਮੇਰੇਮੇਰ ਨੇੜੇ ਆਈਲੈਂਡ ਬਲਾਕ ਆਰਡੀ ਨੇੜੇ ਅੱਗ ਲੱਗਣ ਦੀ ਸੂਚਨਾ ਦਿੱਤੀ ਗਈ।ਘਟਨਾ ਬਾਰੇ ਕਮਾਂਡਰ ਸ਼ੇਨ ਬ੍ਰੋਮਲੇ ਨੇ ਦੱਸਿਆ ਕਿ ਫਾਇਰ ਬ੍ਰਿਗੇਡ ਦੇ ਚਾਰ ਟਰੱਕਾਂ, ਪੰਜ ਟੈਂਕਰਾਂ ਅਤੇ ਤਿੰਨ ਹੈਲੀਕਾਪਟਰਾਂ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਪਰ ਅੱਗ ‘ਤੇ ਕਾਬੂ ਨਹੀਂ ਪਾਇਆ ਜਾ ਸਕਿਆ, ਦਲਦਲ ਵਾਲੀ ਜ਼ਮੀਨ ਹੌਲੀ ਹੌਲੀ ਜਲ਼ ਰਹੀ ਹੈ। ਬ੍ਰੋਮਲੀ ਨੇ ਕਿਹਾ ਕਿ ਪਹਿਲਾਂ ਸਾਵਧਾਨੀ ਵਜੋਂ ਤਿੰਨ ਘਰਾਂ ਦੀ ਸੁਰੱਖਿਆ ਫਾਇਰ ਟਰੱਕਾਂ ਦੁਆਰਾ ਕੀਤੀ ਜਾ ਰਹੀ ਸੀ ਪਰ ਹੁਣ ਉਨ੍ਹਾਂ ਨੂੰ ਕੋਈ ਖ਼ਤਰਾ ਨਹੀਂ ਹੈ।ਇਕ ਚਾਲਕ ਦਲ ਰਾਤ ਭਰ ਸਥਿਤੀ ‘ਤੇ ਨਜ਼ਰ ਰੱਖੇਗਾ ਅਤੇ ਅਸੀਂ ਕੱਲ੍ਹ ਸਵੇਰੇ ਅਸਮਾਨ ਤੋਂ ਅੱਗ ‘ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕਰਾਂਗੇ।
ਵਾਈਕਾਟੋ -ਦਲਦਲ ਵਾਲੀ ਜ਼ਮੀਨ ‘ਚ 35 ਹੈਕਟੇਅਰ ਰਕਬੇ ‘ਚ ਲੱਗੀ ਅੱਗ
