ਨਿਊਜ਼ੀਲੈਂਡ ਛੇਵੀਆਂ ਸਿੱਖ ਖੇਡਾਂ ਸਫਲਤਾਪੂਰਨ ਨੇਪਰੇ ਚੜੀਆਂ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਪਿਛਲੇ ਹਫਤੇ ਨਿਊਜੀਲੈਂਡ ਛੇਵੀਆਂ ਸਿੱਖ ਖੇਡਾਂ ਦਾ ਆਯੋਜਿਨ ਹੋਇਆ।ਖਰਾਬ ਮੌਸਮ ਦੇ ਬਾਵਜੂਦ ਇਹ ਨਿਊਜ਼ੀਲੈਂਡ ਦੀਆਂ ਖੇਡਾਂ ਸ਼ਾਨਦਾਰ ਤਰੀਕੇ ਨਾਲ ਸਪੰਨ ਹੋਈਆਂ। 30 ਨਵੰਬਰ ਅਤੇ 1 ਦਸੰਬਰ ਨੂੰ ਬਰੂਸ ਪੂਲਮੈਨ ਪਾਰਕ ਟਕਾਨੀਨੀ ਦੇ ਖੇਡ ਮੈਦਾਨਾ ਵਿੱਚ ਨਿਊਜ਼ੀਲੈਂਡ ਦਾ ਸਭ ਤੋਂ ਵੱਡਾ ਭਾਰਤੀ ਖੇਡ ਮੇਲਾ ਦੇਖਣ ਨੂੰ ਮਿਲਿਆ, ਜਿਸ ਵਿੱਚ ਦੇਸ਼ ਭਰ ਤੋਂ 1500 ਤੋਂ ਵੱਧ ਐਥਲੀਟਾਂ ਨੇ ਹਿੱਸਾ ਲਿਆ। ਖਿਡਾਰੀਆਂ ਨੇ ਰਵਾਇਤੀ ਭਾਰਤੀ ਖੇਡਾਂ ਜਿਵੇਂ ਕਿ ਕਬੱਡੀ,ਅਤੇ ਖੋ ਖੋ ਦੇ ਨਾਲ-ਨਾਲ ਵੇਟਲਿਫਟਿੰਗ, ਫੁਟਬਾਲ, ਹਾਕੀ, ਬਾਸਕਟਬਾਲ, ਨੈੱਟਬਾਲ, ਵਾਲੀਬਾਲ, ਬੈਡਮਿੰਟਨ, ਕ੍ਰਿਕਟ, ਟੈਨਿਸ ਅਤੇ ਅਥਲੈਟਿਕਸ ਵਰਗੀਆਂ ਪ੍ਰਸਿੱਧ ਖੇਡਾਂ ਵਿੱਚ ਹਿੱਸਾ ਲਿਆ। ਗੱਤਕਾ (ਸਿੱਖ ਮਾਰਸ਼ਲ ਆਰਟ) ਅਤੇ ਦਸਤਾਰ ਬੰਨ੍ਹਣ ਦੇ ਪ੍ਰਦਰਸ਼ਨ ਵੀ ਆਯੋਜਿਤ ਕੀਤੇ ਗਏ, ਜਦੋਂ ਕਿ ਭੰਗੜਾ ਅਤੇ ਗਿੱਧਾ (ਪੰਜਾਬ ਦੇ ਲੋਕ ਨਾਚ) ਵਰਗੀਆਂ ਸੱਭਿਆਚਾਰਕ ਪੇਸ਼ਕਾਰੀਆਂ ਹੋਇਆਂ ਨੇ ਐਤਵਾਰ ਸ਼ਾਮ ਨੂੰ ਲੋਕਾਂ ਦਾ ਮਨੋਰੰਜਨ ਕੀਤਾ।ਇੱਥੇ ਇਹ ਦੱਸਣਯੋਗ ਹੈ ਕਿ ਸ਼ਨੀਵਾਰ ਦੁਪਹਿਰ ਨੂੰ ਖਰਾਬ ਅਤੇ ਭਾਰੀ ਮੀਂਹ ਹੋਣ ਕਾਰਨ ਕੁੱਝ ਸਮਾਂ ਖੇਡਾਂ ਵਿੱਚ ਵਿਘਨ ਪਇਆ ।ਇਸ ਖੇਡ ਮੇਲੇ ਵਿੱਚ ਦੇਸ-ਵਿਦਸ਼ ਤੋਂ ਬਹੁਤ ਸਾਰੀ ਗਿਣਤੀ ਵਿੱਚ ਸਮਰਥਨ ਪਹੁੰਚੇ ਹੋਏ ਸਨ। ਸਿੱਖ ਖੇਡਾਂ ਆਯੋਜਨ ਕਮੇਟੀ ਦੇ ਪ੍ਰਧਾਨ ਦਲਜੀਤ ਸਿੰਘ ਸਿੱਧੂ ਨੇ ਕਿਹਾ, ਕਿ “ਸਾਡੇ ਕੋਲ ਕੈਨੇਡਾ, ਬ੍ਰਿਟੇਨ,ਆਸਟਰੇਲੀਆ ਅਤੇ ਭਾਰਤ ਤੋਂ ਵੀ ਇਨਾਂ ਖੇਡਾਂ ਵਿੱਚ ਭਾਗ ਲੈਣ ਵਾਲੇ ਖਿਡਾਰੀ ਅਤੇ ਦਰਸ਼ਕ ਆਏ ਹੋਏ ਸਨ। “ਇਸ ਵਾਰ ਸਾਡੇ ਕੋਲ ਹਰਿਆਣਾ (ਪੰਜਾਬ ਦੇ ਗੁਆਂਢੀ ਰਾਜ) ਦੇ ਕੁਝ ਕਬੱਡੀ ਖਿਡਾਰੀ ਸਨ ਜੋ ਇੱਥੇ ਕਾਫੀ ਵਧੀਆ ਕਬੱਡੀ ਖੇਡਦੇ ਹਨ ਨੇ ਵੀ ਸ਼ਮੂਲੀਅਤ ਕੀਤੀ। ਹਾਲਾਂਕਿ ਲਗਾਤਾਰ ਮੀਂਹ ਨੇ ਸ਼ਨੀਵਾਰ ਨੂੰ ਉਦਘਾਟਨੀ ਸਮਾਰੋਹ ਨੂੰ ਰੱਦ ਕਰਨ ਲਈ ਮਜਬੂਰ ਕੀਤਾ,ਪਰ ਫਿਰ ਇਹ ਖੇਡਾਂ ਆਪਣੀ ਸਿਖਰ ਉੱਤੇ ਪਹੁੰਚ ਗਈਆਂ। ਉਨ੍ਹਾਂ ਕਿਹਾ ਕਿ “ਇਸ ਸਾਲ ਅਸੀਂ ਉਮੀਦ ਕਰ ਰਹੇ ਸੀ ਕਿ ਦੋ ਦਿਨਾਂ ਵਿੱਚ ਭੀੜ ਚਾਲੀ-ਪੰਜਾਹ ਹਜਾਰ ਤੋਂ ਵੱਧ ਹੋ ਜਾਵੇਗੀ। ਸਿੱਧੂ ਨੇ ਕਿਹਾ ਕਿ ਸਾਨੂੰ ਖੁਸ਼ੀ ਹੈ ਕਿ ਇਨਾਂ ਖੇਡਾਂ ਵਿੱਚ 40,000 ਤੋਂ ਵੱਧ ਦਰਸ਼ਕਾਂ ਅਤੇ ਖਿਡਾਰੀਆਂ ਨੇ ਭਾਗ ਲਿਆ। ਉਨ੍ਹਾਂ ਕਿਹਾ ਕਿ ਨਿਊਜ਼ੀਲੈਂਡ ਸਿੱਖ ਖੇਡਾਂ ਨੂੰ ਕਰਵਾਉਣ ਲਈ ਸਾਨੂੰ ਛੇ ਮਹੀਨੇ ਪਹਿਲਾਂ ਯੋਜਨਾ ਬਣਾਉਣੀ ਪੈਂਦੀ ਹੈ। ਸਾਡੀ ਪੂਰੀ ਟੀਮ ਬਹੁਤ ਖੁਸ਼ ਹੈ ਕਿ ਅਸੀਂ ਹਰ ਸਾਲ ਇਸ ਨੂੰ ਇਸ ਵਰੇ ਸਫਲਤਾਪੂਰਵਕ ਨੇਪਰੇ ਚੜਾਉਣ ਵਿੱਚ ਸਫਲ ਹੋਏ ਹਾਂ।ਅਤੇ ਹਰ ਸਾਲ ਇਸ ਵਿੱਚ ਲੋਕਾਂ ਦੀ ਸ਼ਮੂਲੀਅਤ ਵੱਧ ਦੀ ਜਾ ਰਹੀ ਹੈ।
ਇਸ ਅਖਬਾਰ ਨਾਲ ਗੱਲਬਾਤ ਕਰਦਿਆਂ ਪ੍ਰਬੰਧਕੀ ਕਮੇਟੀ ਦੇ ਪ੍ਰਬੰਧਕ ਕਮੇਟੀ ਦੇ ਸਕੱਤਰ ਗੁਰਵਿੰਦਰ ਸਿੰਘ ਔਲਖ ਨੇ ਦੱਸਿਆ ਕਿ ਖੇਡਾਂ ਨੂੰ ਸੰਭਵ ਬਣਾਉਣ ਲਈ 100 ਤੋਂ ਵੱਧ ਵਲੰਟੀਅਰਾਂ ਨੇ ਕਈ ਮਹੀਨਿਆਂ ਤੱਕ ਕੰਮ ਕੀਤਾ। ਔਲਖ ਨੇ ਦੱਸਿਆ ਕਿ ਖੇਡਾਂ ਦੇ ਦੋ ਦਿਨਾਂ ਦੌਰਾਨ ਲਈ ਲੰਗਰ ਦਾ ਪ੍ਰਬੰਧ ਸ੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਸਾਹਿਬ ਬੰਬੇਹਿੱਲ ਵੱਲੋਂ ਆਯੋਜਿਤ ਕੀਤਾ ਗਿਆ ਸੀ।ਇਨਾਂ ਖੇਡਾਂ ਵਿੱਚ ਆਕਲੈਂਡ ਦੇ ਬਾਹਰੋਂ ਬਹੁਤ ਸਾਰੇ ਲੋਕ ਆਏ ਹੋਏ ਸਨ,ਜਿਨਾਂ ਦੀ ਰਿਹਾਇਸ਼ ਦਾ ਪ੍ਰਬੰਧ ਵੱਖ-ਵੱਖ ਮੋਟਲਾਂ ਅਤੇ ਲੀਜਿਜ ਵਿੱਚ ਕੀਤਾ ਗਿਆ ਸੀ ਅਤੇ ਉਨਾਂ ਨੂੰ ਖੇਡ ਮੈਦਾਨਾਂ ਤੱਕ ਲਿਜਾਉਣ ਲਈ ਟਰਾਂਸਪੋਰਟ ਵੀ ਮੁਹੱਈਆ ਕਰਵਾਈ ਗਈ ਸੀ। ਸਿੱਖ ਧਰਮ ਵਿੱਚ ਲੰਗਰ ਦੀ ਇੱਕ ਪ੍ਰਥਾ ਹੈ ਜਿਸ ਨੂੰ ਸੇਵਾ ਭਾਵਨਾ ਨਾਲ ਨਿਭਾਇਆ ਜਾਂਦਾ ਹੈ।ਇਸ ਲੰਗਰ ਪ੍ਰਥਾ ਵਿੱਚ ਗੁਰਦੁਆਰਿਆਂ ਵਿੱਚ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਨੂੰ ਧਰਮ, ਜਾਤ, ਲਿੰਗ, ਆਰਥਿਕ ਸਥਿਤੀ ਜਾਂ ਨਸਲ ਦੀ ਪਰਵਾਹ ਕੀਤੇ ਬਿਨਾਂ ਮੁਫਤ ਸ਼ਾਕਾਹਾਰੀ ਭੋਜਨ ਦਿੱਤਾ ਜਾਂਦਾ ਹੈ। ਖੇਡਾਂ ਵਿੱਚ ਲੰਗਰ ਦੀ ਨਿਗਰਾਨੀ ਕਰਨ ਵਾਲੇ ਲੰਗਰ ਸੇਵਾ ਕਮੇਟੀ ਮੁਖੀ ਰਾਮ ਸਿੰਘ ਚੌਕੜੀਆ ਦਾ ਮੰਨਣਾ ਹੈ ਕਿ ਇਨ੍ਹਾਂ ਖੇਡਾਂ ਵਿੱਚ 40000 ਵੱਧ ਤੋਂ ਲੋਕਾਂ ਨੇ ਲੰਗਰ ਛਕਿਆ। ਉਨ੍ਹਾਂ ਕਿਹਾ, “ਅਸੀਂ ਇੱਕ ਮਹੀਨਾ ਪਹਿਲਾਂ ਇਸ ਵਿਸ਼ਾਲ ਲੰਗਰ ਦੀ ਯੋਜਨਾ ਬਣਾਉਣੀ ਸ਼ੁਰੂ ਕੀਤੀ ਸੀ ਕਿਉਂਕਿ ਸਮੱਗਰੀ ਦਾ ਪ੍ਰਬੰਧ ਕਰਨ ਅਤੇ ਲੋਕਾਂ ਨੂੰ ਖਾਣਾ ਪਕਾਉਣ ਅਤੇ ਖਾਣੇ ਨੂੰ ਖੇਡ ਮੈਦਾਨ ਬਰੂਸ ਪੁਲਮੈਨ ਪਾਰਕ ਵਿੱਚ ਲਿਆਉਣ ਲਈ ਵੱਖ-ਵੱਖ ਮੈਂਬਰਾਂ ਦੀਆਂ ਡਿਊਟੀਆਂ ਵੀ ਲਗਾਈਆਂ ਗਈਆਂ ਸਨ। ਗੁਰਦੁਆਰਾ ਸਿੱਖ ਸੰਗਤ ਟੌਰੰਗਾ ਦੇ ਪ੍ਰਧਾਨ ਅਤੇ ਖੇਡਾਂ ਦੇ ਮੈਦਾਨ ਵਿੱਚ ਜਲੇਬੀਆਂ ਲੰਗਰ ਦੀ ਸੇਵਾ ਦੀ ਜ਼ਿੰਮੇਵਾਰ ਨਿਭਾਉਂਦੇ ਪੂਰਨ ਸਿੰਘ ਟੌਰੰਗਾ ਦਾ ਮੰਨਣਾ ਹੈ ਕਿ ਖੇਡਾਂ ਨੂੰ ਦੇਖਣ ਆਉਣ ਦਰਸ਼ਕ ਕੋਈ ਵੀ ਢਿੱਡੋਂ ਭੁੱਖੇ ਨਾ ਰਹਿਣ ਅਤੇ ਉਨਾਂ ਨੂੰ ਪੂਰਨ ਰੂਪ ਵਿੱਚ ਖਾਣਾ ਮੁਹੱਈਆ ਕਰਵਾਉਣਾ ਖੇਡ ਪ੍ਰਬੰਧਕਾਂ ਦਾ ਜਿੰਮੇਵਾਰੀ ਸੀ ਜਿਸ ਨੁੰ ਉਨਾਂ ਨੇ ਲੰਗਰ ਕਮੇਟੀ ਦੇ ਮੈਂਬਰਾਂ ਦੀ ਸਹਾਇਤਾ ਨਾਲ ਸਫਲਤਾਪੂਰਵਕ ਨੇਪਰੇ ਚਾੜ੍ਹਿਆ। ਉਨ੍ਹਾਂ ਨੇ ਕਿਹਾ “ਅਸੀਂ ਦੋ ਦਿਨਾਂ ਵਿੱਚ ਲੱਗਭਗ 10 ਕਵਿੰਟਲ ਦੇ ਨੇੜੇ ਜਲੇਬੀਆਂ ਵਰਤਾਈਆਂ ।
ਪ੍ਰਬੰਧਕਾਂ ਨੇ ਖੇਡਾਂ ਵਿੱਚ ਔਰਤਾਂ ਦੀ ਭਾਗੀਦਾਰੀ ‘ਤੇ ਚਾਨਣਾ ਪਾਇਆ। 150 ਕਿਲੋਗ੍ਰਾਮ ਭਾਰ ਚੁੱਕਣ ਤੋਂ ਬਾਅਦ ਡੈਡਲਿਫਟ ਮੁਕਾਬਲੇ ਦੀ ਜੇਤੂ ਗੁਰਸ਼ਰਨਪ੍ਰੀਤ ਕੌਰ ਚਾਹੁੰਦੀ ਸੀ ਕਿ ਵਧੇਰੇ ਔਰਤਾਂ ਇਸ ਖੇਡ ਨੂੰ ਅਪਣਾਉਣ। ਉਨਾਂ ਕਿਹਾ ਕਿ ਸਾਨੂੰ ਸਭ ਦਾ ਸਭ ਤੋਂ ਬਹੁਤ ਹੀ ਵਧੀਆ ਸਪਰਥਨ ਮਿਲਿਆ ਹੈ।
ਬੋਟਨੀ ਸਪੋਰਟਸ ਐਂਡ ਕਲਚਰਲ ਕਲੱਬ ਦੇ ਇਸ ਸਾਲ ਦਾ ਖਿਤਾਬ ਜਿੱਤਣ ਨਾਲ ਕਡੱਬੀ ਖੇਡਾਂ ਵਿਚ ਸਭ ਤੋਂ ਵੱਧ ਪ੍ਰਸਿੱਧ ਆਕਰਸ਼ਣ ਬਣਿਆ ਰਿਹਾ, ਉਥੇ ਦਰਸ਼ਕਾਂ ਨੇ ਵੀ ਵੱਡੀ ਗਿਣਤੀ ਵਿਚ ਫੁੱਟਬਾਲ ਖੇਡਾਂ ਵੇਖੀਆਂ। ਪੰਜਾਬੀ ਨਾਈਟਸ ਸਪੋਰਟਸ ਐਂਡ ਕਲਚਰਲ ਕਲੱਬ ਨਿਊਜ਼ੀਲੈਂਡ ਦੀ ਪਹਿਲੀ ਟੀਮ ਬਣ ਗਈ ਹੈ ਜਿਸ ਨੇ ਸਾਲ ਦੇ ਸ਼ੁਰੂ ਵਿੱਚ 36ਵੀਆਂ ਆਸਟਰੇਲੀਆਈ ਸਿੱਖ ਖੇਡਾਂ ਵਿੱਚ ਪੁਰਸ਼ ਫੁੱਟਬਾਲ ਟਰਾਫੀ ਜਿੱਤੀ ਸੀ। ਆਕਲੈਂਡ ਅਧਾਰਤ ਟੀਮ, ਜਿਸ ਦੀ ਸਥਾਪਨਾ 2011 ਵਿੱਚ ਕੀਤੀ ਗਈ ਸੀ, ਨੇ ਘਰੇਲੂ ਮੈਦਾਨ ‘ਤੇ ਵੀ ਖਿਤਾਬ ਜਿੱਤਿਆ। ਕਲੱਬ ਦੇ ਕਪਤਾਨ ਐਸ਼ ਸਿੰਘ ਨੇ ਕਿਹਾ, “ਸਾਡੇ ਕੋਲ ਫੁੱਟਬਾਲ, ਨੈੱਟਬਾਲ ਅਤੇ ਟੱਚ ਰਗਬੀ ਦੀਆਂ ਟੀਮਾਂ ਹਨ। “ਅਸੀਂ ਸਾਲ ਵਿੱਚ ਲਗਭਗ ਛੇ ਮਹੀਨੇ ਸਿਖਲਾਈ ਲੈਂਦੇ ਹਾਂ ਅਤੇ ਨੌਜਵਾਨਾਂ ਦੇ ਵਿਕਾਸ ‘ਤੇ ਬਹੁਤ ਧਿਆਨ ਕੇਂਦਰਿਤ ਕਰਦੇ ਹਾਂ।
ਸੁਪਰ ਸਿੱਖਸ ਸਪੋਰਟਸ ਐਂਡ ਕਲਚਰਲ ਸਿਡਨੀ ਵਾਲੀਬਾਲ ਕਲੱਬ ਦੇ ਮੈਂਬਰ ਨੂਰਪ੍ਰੀਤ ਸਿੰਘ ਬਡਵਾਲ ਨੇ ਕਿਹਾ ਕਿ ਉਨ੍ਹਾਂ ਦੀ ਟੀਮ ਨੂੰ ਨਿਊਜ਼ੀਲੈਂਡ ਵਿਚ ਖੇਡਣਾ ਪਸੰਦ ਹੈ। ਉਨ੍ਹਾਂ ਕਿਹਾ, “ਜਦੋਂ ਵੀ ਅਸੀਂ ਆਉਂਦੇ ਹਾਂ ਤਾਂ ਇਹ ਸੱਚਮੁੱਚ ਨਿੱਘਾ ਅਹਿਸਾਸ ਹੁੰਦਾ ਹੈ। ਸਾਨੂੰ ਉਮੀਦ ਹੈ ਕਿ ਭਵਿੱਖ ਵਿਚ ਆਸਟਰੇਲੀਆ ਤੋਂ ਹੋਰ ਟੀਮਾਂ ਇੱਥੇ ਆਉਣਗੀਆਂ। 2024 ਦੇ ਟੂਰਨਾਮੈਂਟ ਨੂੰ ਦਸਤਾਰ ਕੋਚ ਗੁਰਜੀਤ ਸਿੰਘ ਨੂੰ ਸ਼ਾਮਲ ਕਰਕੇ ਮਹੱਤਵਪੂਰਨ ਸੱਭਿਆਚਾਰਕ ਹੁਲਾਰਾ ਮਿਲਿਆ, ਜਿਨ੍ਹਾਂ ਨੇ ਦਸਤਾਰ ਬੰਨ੍ਹਣ ਦੀਆਂ ਤਕਨੀਕਾਂ ਦਾ ਪ੍ਰਦਰਸ਼ਨ ਕਰਦਿਆਂ ਸਟਾਲ ਚਲਾਇਆ। ਸਿੰਘ ਨੇ ਇਕ ਵਿਅਕਤੀ ਦੇ ਸਿਰ ‘ਤੇ ਪੱਗ ਬੰਨ੍ਹਦੇ ਹੋਏ ਕਿਹਾ ਕਿ ਪੱਗ ਬੰਨ੍ਹਣ ਦੇ 52 ਤਰੀਕੇ ਹਨ। “ਇਹ ਸਭ ਇਸ ਗੱਲ ‘ਤੇ ਨਿਰਭਰ ਕਰਦਾ ਹੈ ਕਿ ਕਿਸੇ ਦੇ ਚਿਹਰੇ ‘ਤੇ ਕੀ ਅਨੁਕੂਲ ਹੈ। ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਉਹ ਇਸ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਚਾਹੁੰਦੇ ਹਨ ਕਿ ਦਸਤਾਰਾਂ ਦਾ ਸਿੱਖਾਂ ਲਈ ਕੀ ਮਤਲਬ ਹੈ ਅਤੇ ਭਾਈਚਾਰੇ ਦੇ ਨੌਜਵਾਨ ਮੈਂਬਰਾਂ ਨੂੰ ਇਸ ਨੂੰ ਅਪਣਾਉਣ ਲਈ ਉਤਸ਼ਾਹਤ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਸਿੱਖਾਂ ਲਈ ਦਸਤਾਰ ਨੂੰ ਸਾਡੇ ਸਰੀਰ ਦਾ ਹਿੱਸਾ ਮੰਨਿਆ ਜਾਂਦਾ ਹੈ। “ਇਹ ਸਾਡੇ ਸਿਰਾਂ ਦੇ ਉੱਪਰ ਇਸ ਤਰ੍ਹਾਂ ਲੱਗਦਾ ਹੈ ਜਿਵੇਂ ਕਿਸੇ ਰਾਜੇ ਦੇ ਸਿਰ ‘ਤੇ ਤਾਜ ਹੁੰਦਾ ਹੈ। 2023 ਦੀ ਮਰਦਮਸ਼ੁਮਾਰੀ ਦਰਸਾਉਂਦੀ ਹੈ ਕਿ ਪੰਜਾਬੀ ਨਿਊਜ਼ੀਲੈਂਡ ਵਿੱਚ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਭਾਸ਼ਾ ਹੈ।
ਪੰਜਾਬੀ ਵਿੱਚ ਵੱਧ ਰਹੀ ਦਿਲਚਸਪੀ ਨੇ ਜਸਪ੍ਰੀਤ ਸਿੰਘ ਵਰਗੇ ਉੱਦਮੀਆਂ ਨੂੰ ਕਿਤਾਬ ਹੱਟ ਨਾਮ ਦੀ ਇੱਕ ਸੇਵਾ ਸਥਾਪਤ ਕਰਨ ਲਈ ਪ੍ਰੇਰਿਤ ਕੀਤਾ ਹੈ ਜੋ ਭਾਸ਼ਾ ਨੂੰ ਉਤਸ਼ਾਹਤ ਕਰਦੀ ਹੈ। “ਅਸੀਂ … ਛੇ ਮਹੀਨੇ ਪਹਿਲਾਂ ਹੀ ਹਰ ਉਮਰ ਦੀਆਂ ਪੰਜਾਬੀ ਕਿਤਾਬਾਂ ਦਾ ਪ੍ਰਚਾਰ ਸ਼ੁਰੂ ਕੀਤਾ ਸੀ। “ਅਸੀਂ ਇਸ ਭਾਸ਼ਾ ਨੂੰ ਉਤਸ਼ਾਹਤ ਕਰਨ ਲਈ ਹਫਤੇ ਦੇ ਅੰਤ ‘ਤੇ ਆਕਲੈਂਡ ਅਤੇ ਆਸ ਪਾਸ ਦੇ ਗੁਰਦੁਆਰਿਆਂ ਦਾ ਦੌਰਾ ਕਰਦੇ ਹਾਂ। ਸਾਨੂੰ ਹੈਰਾਨੀ ਹੈ ਕਿ ਦਿਲਚਸਪੀ ਇੰਨੀ ਤੇਜ਼ੀ ਨਾਲ ਵਧ ਰਹੀ ਹੈ ਕਿ ਇਕ ਸਾਲ ਤੋਂ ਵੀ ਘੱਟ ਸਮੇਂ ਵਿਚ ਸਾਡੀ ਦਰਾਮਦ (ਪੰਜਾਬੀ ਕਿਤਾਬਾਂ ਦੀ) ਪਹਿਲਾਂ ਹੀ ਕਈ ਗੁਣਾ ਵੱਧ ਹੋ ਗਈ ਹੈ। ਪੰਜਾਬ ਦੇ ਚੌਥੀ ਪੀੜ੍ਹੀ ਦੇ ਭਾਰਤੀ ਨਿਊਜ਼ੀਲੈਂਡ ਵਾਸੀ ਨਵਤੇਜ ਰੰਧਾਵਾ ਨੇ ਕਿਹਾ ਕਿ ਸਿੱਖ ਖੇਡਾਂ ਨੇ 2019 ਵਿਚ ਪਹਿਲੀ ਵਾਰ ਆਯੋਜਿਤ ਹੋਣ ਤੋਂ ਬਾਅਦ ਪਰਿਵਾਰਾਂ ਅਤੇ ਭਾਈਚਾਰਿਆਂ ਨੂੰ ਇਕੱਠੇ ਕੀਤਾ ਹੈ। ਰੰਧਾਵਾ ਨੇ ਕਿਹਾ ਕਿ ਇਸ ਨਾਲ ਸਾਡੇ ਬੱਚਿਆਂ ਨੂੰ ਸੱਭਿਆਚਾਰਕ ਪੇਸ਼ਕਾਰੀਆਂ ਅਤੇ ਖੇਡਾਂ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲਦਾ ਹੈ। ਪੰਜਾਬੀਆਂ ਤੋਂ ਇਲਾਵਾ ਹੋਰ ਭਾਈਚਾਰੇ ਵੀ ਵੱਡੀ ਗਿਣਤੀ ਵਿੱਚ ਆਉਂਦੇ ਹਨ ਅਤੇ ਸਿੱਖ ਸੱਭਿਆਚਾਰ ਦਾ ਅਨੁਭਵ ਕਰਨ ਦਾ ਮੌਕਾ ਪ੍ਰਾਪਤ ਕਰਦੇ ਹਨ। “[ਖੇਡਾਂ] ਇੱਥੇ ਨਿਊਜ਼ੀਲੈਂਡ ਵਿੱਚ ਸਾਡੇ ਪ੍ਰਵਾਸੀਆਂ ਦੀ ਸ਼ਾਨਦਾਰ ਪ੍ਰਤੀਨਿਧਤਾ ਹਨ।
ਕਬੱਡੀ ਫੈਡਰੇਸ਼ਨ ਵੱਲੋਂ ਕਰਵਾਏ ਟੂਰਨਾਮੈਂਟਾਂ ਤੇ ਮਾਲਵਾ ਸਪੋਰਟਸ ਕਲੱਬ ਵੱਲੋਂ ਖੇਡਦੇ ਹੋਏ ਜੱਸੇ ਰਾਏਸਰ ਨੇ ਬਾਲੀਵਾਲ ਸ਼ੂਟਿੰਗ ਦੇ ਵਿੱਚ ਆਪਣੀ ਟੀਮ ਨੂੰ ਹਰ ਫਾਈਨਲ ਦੇ ਵਿੱਚ ਪਹੁੰਚਾਇਆ ਜਦੋਂ ਜਦੋਂ ਵੀ ਟੀਮ ਨੇ ਜੱਸੇ ਰਾਏਸਰ ਨੂੰ ਟੀਮ ਦੀ ਜਿੰਮੇਵਾਰੀ ਸੌਂਪੀ ਤਾਂ ਜੱਸੇ ਨੇ ਆਪਣੀ ਟੀਮ ਦੇ ਲਈ ਪੁਆਇੰਟ ਵੀ ਪ੍ਰਾਪਤ ਕੀਤੇ ਤੇ ਜਿੱਤ ਵੀ ਪ੍ਰਾਪਤ ਕੀਤੀ। ਛੇਵੀਆਂ ਸਿੱਖ ਖੇਡਾਂ ਤੇ ਜੱਸਾ ਵਾਲੀਬਾਲ ਸ਼ੂਟਿੰਗ ਦੇ ਵਿੱਚ ਬੈਸਟ ਅਟੈਕਰ ਰਿਹਾ ਉਸ ਦੀ ਇਸ ਪ੍ਰਾਪਤੀ ਤੋਂ ਖੁਸ਼ ਹੋ ਕੇ ਮਾਲਵਾ ਸਪੋਰਟਸ ਕਲੱਬ ਵੱਲੋਂ ਆਈ ਫੋਨ ਤੇ ਸੋਨੇ ਦੀ ਮੁੰਦਰੀ ਨਾਲ ਉਸ ਦਾ ਸਨਮਾਨ ਵੀ ਕੀਤੇ ਗਿਆ ।ਜ਼ਿਕਰ ਯੋਗ ਹੈ ਕਿ ਜੱਸੇ ਦੇ ਨਾਲ ਨਾਲ ਸ਼ੇਰੂ ਢਾਬਾ ਦੀ ਟੱਕਰ ਦੇਖਣ ਲਈ ਦਰਸ਼ਕਾਂ ਦੇ ਵਿੱਚ ਬਹੁਤ ਜਿਆਦਾ ਉਤਸਾਹ ਹੁੰਦਾ ਸੀ ਇੰਡੀਆ ਤੋਂ ਪਹੁੰਚੇ ਪਲੇਅਰ ਜੋਂਟੀ ਬਈਏਵਾਲ ਤੇ ਆਸਟਰੇਲੀਆ ਤੋਂ ਪਹੁੰਚੇ ਭਾਗ ਬੱਸੀਆਂ ਨੇ ਵੀ ਆਪਣੀ ਖੇਡ ਦੇ ਪੂਰੇ ਜੋਹਰ ਦਿਖਾਏ।
ਐਸ ਬੀ ਐਸ ਵਾਲੀਬਾਲ ਸ਼ੂਟਿੰਗ ਦੇ ਖਿਡਾਰੀ ਜੌਨੀ ਬਈਏਵਾਲ ਤੇ ਗੱਗੀ ਬਰਾੜ ਦਾ ਐੱਨ ਜੇੱਡ ਸਿੱਖ ਖੇਡਾਂ ਤੇ ਮਾਨਯੋਗ MP Rima Nakhle ਜੀ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।
ਖੇਡਾਂ ਦੇ ਇਵੈਂਟ ਮੈਨੇਜਰ ਰੌਬਿਨ ਅਟਵਾਲ ਨੇ ਟੂਰਨਾਮੈਂਟ ਨਾਲ ਸਥਾਨਕ ਆਰਥਿਕਤਾ ਨੂੰ ਹੋਏ ਆਰਥਿਕ ਲਾਭਾਂ ‘ਤੇ ਚਾਨਣਾ ਪਾਇਆ। ਅਟਵਾਲ ਨੇ ਕਿਹਾ ਕਿ ਇਕ ਥਾਂ ‘ਤੇ ਲੋਕਾਂ ਦੇ ਇੰਨੇ ਵੱਡੇ ਇਕੱਠ ਨਾਲ ਸਥਾਨਕ ਆਰਥਿਕਤਾ ਨੂੰ ਹਮੇਸ਼ਾ ਵੱਡਾ ਹੁਲਾਰਾ ਮਿਲਦਾ ਹੈ, ਜਿਸ ਦੀ ਇਨ੍ਹੀਂ ਦਿਨੀਂ ਬਹੁਤ ਜ਼ਰੂਰਤ ਹੈ