ਆਕਲੈਂਡ (ਐੱਨ ਜੈੱਡ ਤਸਵੀਰ) ਕਸਟਮ ਅਧਿਕਾਰੀਆਂ ਨੂੰ ਆਕਲੈਂਡ ਹਵਾਈ ਅੱਡੇ ‘ਤੇ ਇਕ ਸੂਟਕੇਸ ‘ਚ ਲੁਕਾ ਕੇ ਰੱਖੀ ਗਈ 16 ਲੱਖ ਡਾਲਰ ਦੀ ਕੋਕੀਨ ਮਿਲੀ ਹੈ। ਕਸਟਮ ਵਿਭਾਗ ਨੇ ਦੱਸਿਆ ਕਿ ਚਿਲੀ ਤੋਂ ਉਡਾਣ ਭਰਕੇ ਆਏ ਇਕ ਯਾਤਰੀ ਦੇ ਬੈਗ ਦੇ ਪੈਨਲਾਂ ‘ਚ ਚਾਰ ਕਿਲੋ ਨਸ਼ੀਲਾ ਪਦਾਰਥ ਲੁਕਾ ਕੇ ਰੱਖਿਆ ਗਿਆ ਸੀ। ਬੈਗ ਜਾਂਚ ਦੌਰਾਨ ਜਦੋਂ ਉਸਨੂੰ ਬੁਲਾਇਆ ਗਿਆ ਤਾਂ ਅਧਿਕਾਰੀਆਂ ਦੇ ਧਿਆਨ ਵਿੱਚ ਇਹ ਮਾਮਲਾ ਆਇਆ। ਆਕਲੈਂਡ ਹਵਾਈ ਅੱਡੇ ਦੇ ਮੁੱਖ ਕਸਟਮ ਅਧਿਕਾਰੀ ਬੇਨ ਵੇਲਜ਼ ਨੇ ਕਿਹਾ ਕਿ ਅਧਿਕਾਰੀਆਂ ਨੂੰ ਬਹੁਤ ਵਿਸਥਾਰ ਪੂਰਵਕ ਤਲਾਸ਼ੀ ਲੈਣੀ ਪਈ। “ਇਹ ਕਾਫ਼ੀ ਚਲਾਕੀ ਨਾਲ ਲੁਕਾਈ ਗਈ ਸੀ। ਇਸਦਾ ਪਤਾ ਲਗਾਉਣਾ ਸਾਡੇ ਅਧਿਕਾਰੀਆਂ ਦੀ ਸਿਖਲਾਈ ਅਤੇ ਦ੍ਰਿੜਤਾ ‘ਤੇ ਨਿਰਭਰ ਕਰਦਾ ਸੀ। ਉਹ ਉਦੋਂ ਤੱਕ ਚੈੱਕ ਰਹੇ ਜਦੋਂ ਤੱਕ ਉਨ੍ਹਾਂ ਨੂੰ ਇਹ ਮਿਲ ਨਹੀਂ ਗਈ। “ਸੰਗਠਿਤ ਅਪਰਾਧੀ ਨਿਊਜ਼ੀਲੈਂਡ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀ ਕੋਸ਼ਿਸ਼ ਕਰਨ ਲਈ ਕਈ ਤਰੀਕਿਆਂ ਦੀ ਵਰਤੋਂ ਕਰਦੇ ਹਨ। ਸਾਡੇ ਤਜਰਬੇਕਾਰ ਅਧਿਕਾਰੀ ਅਜਿਹੀਆਂ ਲੁਕਾ ਕੇ ਰੱਖੀਆਂ ਚੀਜਾਂ ਪਤਾ ਲਗਾਉਣ ਲਈ ਕਈ ਤਕਨੀਕਾਂ ਦੀ ਵਰਤੋਂ ਕਰਦੇ ਹਨ। ਕਸਟਮ ਵਿਭਾਗ ਦੇ ਇਕ ਬੁਲਾਰੇ ਨੇ ਕਿਹਾ ਕਿ ਜੇਕਰ ਇਸ ਨੂੰ ਵੇਚਿਆ ਜਾਂਦਾ ਤਾਂ ਇਸ ਦੀ ਕੀਮਤ 1,552,000 ਡਾਲਰ ਹੁੰਦੀ ਅਤੇ ਇਸ ਦੇ ਮਿਲਣ ਨਾਲ ਨਿਊਜ਼ੀਲੈਂਡ ਨੂੰ ਬਹੁਤ ਸਾਰੇ ਸਮਾਜਿਕ ਨੁਕਸਾਨ ਅਤੇ ਲਾਗਤ ਤੋਂ ਬਚਾਇਆ ਗਿਆ ਹੈ। ਇਕ 25 ਸਾਲਾ ਔਰਤ ‘ਤੇ ਕਲਾਸ ਏ ਨਿਯੰਤਰਿਤ ਦਵਾਈ ਦੇ ਆਯਾਤ ਅਤੇ ਕਬਜ਼ੇ ਦਾ ਦੋਸ਼ ਲਗਾਇਆ ਗਿਆ ਹੈ।
ਆਕਲੈਂਡ ਹਵਾਈ ਅੱਡੇ ‘ਤੇ ਸੂਟਕੇਸ ‘ਚ ਲੁਕਾ ਕੇ ਰੱਖੀ 4 ਕਿਲੋ ਕੋਕੀਨ ਫੜੀ
