ਆਕਲੈਂਡ (ਐੱਨ ਜੈੱਡ ਤਸਵੀਰ) ਹਫ਼ਤੇ ਦੇ ਅੰਤ ‘ਤੇ ਈਡਨ ਪਾਰਕ ਵਿੱਚ ਆਲ ਬਲੈਕਸ ਟੈਸਟ ਮੈਚ ਦੌਰਾਨ ਏਅਰ ਫੋਰਸ ਵੱਲੋਂ ਕੀਤਾ ਗਿਆ ਫ਼ਲਾਈ ਪਾਸਟ ਲਗਭਗ 20 ਹਜ਼ਾਰ ਡਾਲਰ ਦਾ ਪਿਆ। ਖੇਲ ਸ਼ੁਰੂ ਹੋਣ ਤੋਂ ਪਹਿਲਾਂ ਇੱਕ ਸਾਲ ਪੁਰਾਣੇ ਹਰਕਿਊਲੀਜ਼ ਜਹਾਜ਼ ਅਤੇ ਇੱਕ ਬੋਇੰਗ 757 ਨੇ ਦਰਸ਼ਕਾਂ ਉੱਤੋਂ ਉਡਾਣ ਭਰੀ।
ਡਿਫੈਂਸ ਫੋਰਸ ਦਾ ਕਹਿਣਾ ਹੈ ਕਿ ਇਸ ਨਾਲ ਟੈਕਸਦਾਤਾਵਾਂ ਨੂੰ ਕੋਈ ਵਾਧੂ ਖ਼ਰਚ ਨਹੀਂ ਆਇਆ, ਕਿਉਂਕਿ ਜਹਾਜ਼ਾਂ ਨੂੰ ਆਪਣੇ ਉਡਾਣ ਘੰਟਿਆਂ ਨੂੰ ਪੂਰਾ ਕਰਨ ਦੀ ਲੋੜ ਹੁੰਦੀ ਹੈ।
ਉਨ੍ਹਾਂ ਨੇ ਆਰਐੱਨਜੈੱਡ ਨੂੰ ਦੱਸਿਆ:”ਸਕਵਾਡਰਨ ਇਹ ਗਤੀਵਿਧੀ ਕਿਸੇ ਹੋਰ ਦਿਨ, ਕਿਸੇ ਹੋਰ ਥਾਂ ‘ਤੇ ਕਰਦਾ ਹੀ, ਤਾਂ ਜੋ ਉਹਨਾਂ ਦੀ ਬੇਸਲਾਈਨ ਯੋਗਤਾ ਅਧੀਨ ਕਰੰਸੀ ਬਣੀ ਰਹੇ।”
ਨਿਊਜ਼ੀਲੈਂਡ ਰਗਬੀ ਨੇ ਡਿਫੈਂਸ ਫੋਰਸ ਨਾਲ ਸੰਪਰਕ ਕੀਤਾ ਸੀ ਕਿ ਕੀ ਉਹ ਜਹਾਜ਼ਾਂ ਦਾ ਪ੍ਰਦਰਸ਼ਨ ਕਰਨਾ ਚਾਹੁੰਦੇ ਹਨ।
ਇਹ ਇੱਕ ਮੌਕਾ ਸੀ ਨਿਊਜ਼ੀਲੈਂਡ ਅਤੇ ਅੰਤਰਰਾਸ਼ਟਰੀ ਦਰਸ਼ਕਾਂ ਨਾਲ ਜੁੜਨ ਦਾ। ਇਸ ਰਾਹੀਂ ਕਰਿਊ ਦੀ ਕਾਬਲੀਅਤ ਅਤੇ ਏਅਰ ਫੋਰਸ ਦੀ ਸਮਰੱਥਾ ਨੂੰ ਦਰਸਾਇਆ ਗਿਆ।
ਡਿਫੈਂਸ ਨੇ ਕਿਹਾ “ਫਾਰਮੇਸ਼ਨ ਫਲਾਈੰਗ ਇੱਕ ਕੀਮਤੀ ਫੌਜੀ ਹੁਨਰ ਹੈ, ਜਿਸ ਲਈ ਨਿਯਮਿਤ ਅਭਿਆਸ ਦੀ ਲੋੜ ਹੁੰਦੀ ਹੈ, ਤਾਂ ਜੋ ਕਰਿਊ ਸੁਰੱਖਿਅਤ ਢੰਗ ਨਾਲ ਇਹ ਕਰਨ ਵਿੱਚ ਮਾਹਰ ਰਹਿਣ।”
ਇਸ ਗਤੀਵਿਧੀ ਦੀ ਹਾਸ਼ੀਆਈ ਲਾਗਤ ਲਗਭਗ $20,000 ਸੀ, ਜੋ ਦੋਵੇਂ ਜਹਾਜ਼ਾਂ ਦੇ 1.1 ਫਲਾਈਟ ਘੰਟਿਆਂ ਦੇ ਅਧਾਰ ‘ਤੇ ਨਿਕਲੀ। ਹਾਲਾਂਕਿ ਇਹ ਟੈਕਸਦਾਤਾਵਾਂ ਲਈ ਕੋਈ ਵਾਧੂ ਖ਼ਰਚ ਨਹੀਂ ਸੀ।
ਯਾਦ ਰਹੇ ਕਿ ਲਗਭਗ $1.5 ਬਿਲੀਅਨ ਦੀ ਲਾਗਤ ਨਾਲ ਪੰਜ ਹਰਕਿਊਲੀਜ਼ ਖਰੀਦੇ ਗਏ ਸਨ, ਜਿਸ ਵਿੱਚ ਢਾਂਚਾ ਤੇ ਟ੍ਰੇਨਿੰਗ ਸ਼ਾਮਲ ਹੈ।
ਏਅਰ ਫੋਰਸ ਵੱਲੋਂ ਈਡਨ ਪਾਰਕ ਵਿੱਚ ਆਲ ਬਲੈਕਸ ਟੈਸਟ ਮੈਚ ਦੌਰਾਨ ਫ਼ਲਾਈ ਪਾਸਟ ਦੀ ਲਾਗਤ ਲਗਭਗ $20,000
