ਆਕਲੈਂਡ (ਐੱਨ ਜੈੱਡ ਤਸਵੀਰ) ਇਜ਼ਰਾਈਲ ਨੇ ਇੱਕ ਫਲੋਟੀਲਾ (ਸਹਾਇਤਾ ਜਹਾਜ਼) ਨੂੰ ਰੋਕ ਲਿਆ ਜੋ ਗਾਜ਼ਾ ਲਈ ਮਦਦ ਸਮੱਗਰੀ ਲੈ ਕੇ ਜਾ ਰਹੀ ਸੀ। ਇਸ ਜਹਾਜ਼ ‘ਤੇ ਤਿੰਨ ਨਿਊਜ਼ੀਲੈਂਡ ਦੇ ਨਾਗਰਿਕ ਸਵਾਰ ਸਨ
ਰਾਨਾ ਹਮਿਦਾ, ਯੂਸੇਫ ਸਮੂਰ ਅਤੇ ਸੈਮੁਅਲ ਲੀਸਨ।ਇਜ਼ਰਾਈਲੀ ਸੈਨਾ ਨੇ ਜਹਾਜ਼ ਨੂੰ ਸਮੁੰਦਰ ਵਿੱਚ ਹੀ ਰੋਕ ਕੇ ਸਾਰੇ ਲੋਕਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।ਸੈਮੁਅਲ ਲੀਸਨ ਨੇ ਸੋਸ਼ਲ ਮੀਡੀਆ ‘ਤੇ ਦੱਸਿਆ ਕਿ ਉਹ ਸਭ ਠੀਕ ਹਨ, ਪਰ ਉਹਨਾਂ ਨੂੰ ਚਿੰਤਾ ਹੈ ਕਿ ਪੈਲੇਸਟਾਈਨੀ ਮੂਲ ਦੇ ਦੋ ਕਿਵੀ ਨਾਗਰਿਕਾਂ ਨਾਲ ਵਧੇਰੇ ਸਖ਼ਤੀ ਕੀਤੀ ਜਾ ਸਕਦੀ ਹੈ। ਨਿਊਜ਼ੀਲੈਂਡ ਦੇ ਵਿਦੇਸ਼ ਮਾਮਲੇ ਵਿਭਾਗ ਨੇ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਨੇ ਇਜ਼ਰਾਈਲ ਵਿਚਲੇ ਆਪਣੇ ਸਾਥੀਆਂ ਰਾਹੀਂ ਤਿੰਨਾਂ ਨਾਲ ਸੰਪਰਕ ਕੀਤਾ ਹੈ ਤੇ ਕਾਂਸੁਲੇਰੀ ਸਹਾਇਤਾ ਦਿੱਤੀ ਹੈ।ਨਿਊਜ਼ੀਲੈਂਡ ਦਾ ਇਜ਼ਰਾਈਲ ਵਿੱਚ ਦੂਤਾਵਾਸ਼ ਨਹੀਂ ਹੈ, ਇਸ ਲਈ ਉਨ੍ਹਾਂ ਨੂੰ ਸਥਾਨਕ ਸਹਿਯੋਗੀ ਦੂਤਾਵਾਸ਼ਾਂ ਰਾਹੀਂ ਮਦਦ ਕਰਨੀ ਪਈ।
ਇਜ਼ਰਾਈਲੀ ਸਰਕਾਰ ਨੇ ਕਿਹਾ ਕਿ ਇਹ ਫਲੋਟੀਲਾ “ਉਤੇਜਨਾ ਪੈਦਾ ਕਰਨ ਦੀ ਕੋਸ਼ਿਸ਼” ਕਰ ਰਹੀ ਸੀ, ਨਾ ਕਿ ਸਿਰਫ਼ ਮਦਦ ਪਹੁੰਚਾਉਣ ਦੀ।ਉਨ੍ਹਾਂ ਨੇ ਇਸ ਘਟਨਾ ਤੋਂ ਬਾਅਦ 137 ਲੋਕਾਂ ਨੂੰ ਤੁਰਕੀ ਵਾਪਸ ਭੇਜ ਦਿੱਤਾ। ਤਿੰਨ ਕਿਵੀ ਨਾਗਰਿਕ ਹਾਲੇ ਵੀ ਇਜ਼ਰਾਈਲ ਦੀ ਹਿਰਾਸਤ ਵਿੱਚ ਹਨ, ਪਰ ਨਿਊਜ਼ੀਲੈਂਡ ਸਰਕਾਰ ਉਨ੍ਹਾਂ ਨਾਲ ਸੰਪਰਕ ਵਿੱਚ ਹੈ ਅਤੇ ਸਹਾਇਤਾ ਕਰ ਰਹੀ ਹੈ।
ਤਿੰਨ ਨਿਊਜ਼ੀਲੈਂਡ ਨਾਗਰਿਕ ਇਜ਼ਰਾਈਲ ‘ਚ ਗ੍ਰਿਫ਼ਤਾਰ — ਸਰਕਾਰ ਨੇ ਸਹਾਇਤਾ ਦਿੱਤੀ
