ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੀ ਪ੍ਰਮੁੱਖ ਟੈਲੀਕਾਮ ਕੰਪਨੀ Spark ਨੇ ਐਲਾਨ ਕੀਤਾ ਹੈ ਕਿ 31 ਮਾਰਚ ਤੋਂ ਦੇਸ਼ ਭਰ ਵਿੱਚ ਉਸਦੀ 3ਜੀ ਮੋਬਾਈਲ ਸੇਵਾ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਜਾਵੇਗੀ। ਇਸਦੇ ਨਾਲ ਹੀ ਉਹ ਸਾਰੇ ਮੋਬਾਈਲ ਫੋਨ ਨੈੱਟਵਰਕ ਤੋਂ ਹਟਾ ਦਿੱਤੇ ਜਾਣਗੇ ਜੋ ਐਮਰਜੈਂਸੀ ਨੰਬਰ 111 ‘ਤੇ ਕਾਲ ਕਰਨ ਦੇ ਯੋਗ ਨਹੀਂ ਹਨ।
ਟੈਲੀਕਾਮ ਖੇਤਰ ਵਿੱਚ ਵੱਡੇ ਤਕਨੀਕੀ ਬਦਲਾਅ ਦੇ ਤਹਿਤ ਨਿਊਜ਼ੀਲੈਂਡ ਦੇ ਤਿੰਨ ਵੱਡੇ ਮੋਬਾਈਲ ਓਪਰੇਟਰ — Spark, 2degrees ਅਤੇ One NZ — ਹੌਲੀ-ਹੌਲੀ 3 ਜੀ ਸੇਵਾਵਾਂ ਨੂੰ ਖਤਮ ਕਰਕੇ 4ਜੀ ਅਤੇ 5ਜੀ ਨੈੱਟਵਰਕ ਵੱਲ ਅੱਗੇ ਵੱਧ ਰਹੇ ਹਨ। ਇਸ ਅਪਗ੍ਰੇਡ ਦਾ ਅਸਰ ਸਿਰਫ਼ ਮੋਬਾਈਲ ਫੋਨਾਂ ਹੀ ਨਹੀਂ, ਸਗੋਂ ਕੁਝ ਮੈਡੀਕਲ ਅਲਾਰਮ, ਸੁਰੱਖਿਆ ਪ੍ਰਣਾਲੀਆਂ ਅਤੇ ਵਾਹਨਾਂ ਵਿੱਚ ਵਰਤੇ ਜਾਣ ਵਾਲੇ ਟ੍ਰੈਕਿੰਗ ਡਿਵਾਈਸਾਂ ‘ਤੇ ਵੀ ਪੈ ਸਕਦਾ ਹੈ।
Spark ਮੁਤਾਬਕ ਲਗਭਗ 300 ਦੇ ਕਰੀਬ ਮੋਬਾਈਲ ਮਾਡਲ ਅਜਿਹੇ ਹਨ ਜੋ 4ਜੀ ਨੈੱਟਵਰਕ ‘ਤੇ ਆਮ ਕਾਲਾਂ, ਮੈਸੇਜ ਅਤੇ ਇੰਟਰਨੈੱਟ ਤਾਂ ਵਰਤ ਸਕਦੇ ਹਨ, ਪਰ 111 ‘ਤੇ ਐਮਰਜੈਂਸੀ ਕਾਲ ਕਰਨ ‘ਚ ਅਸਮਰੱਥ ਹਨ। ਇਹਨਾਂ ਵਿੱਚੋਂ ਬਹੁਤੇ ਫੋਨ ASUS ਕੰਪਨੀ ਨਾਲ ਸੰਬੰਧਿਤ ਹਨ ਅਤੇ Spark ਵੱਲੋਂ ਸਿੱਧੇ ਤੌਰ ‘ਤੇ ਵਿਕਰੇਤ ਨਹੀਂ ਕੀਤੇ ਗਏ ਸਨ। ਕੁਝ ਡਿਵਾਈਸਾਂ ਲਈ ਸਾਫਟਵੇਅਰ ਅੱਪਡੇਟ ਉਪਲਬਧ ਹਨ, ਪਰ ਜਿਨ੍ਹਾਂ ਫੋਨਾਂ ਨੂੰ ਅੱਪਡੇਟ ਨਹੀਂ ਮਿਲੇਗੀ, ਉਹ 31 ਮਾਰਚ ਤੋਂ ਨੈੱਟਵਰਕ ‘ਤੇ ਸਥਾਈ ਤੌਰ ‘ਤੇ ਬੰਦ ਕਰ ਦਿੱਤੇ ਜਾਣਗੇ।
Spark ਦੇ ਚੀਫ਼ ਕਸਟਮਰ ਅਫ਼ਸਰ Greg Clark ਨੇ ਕਿਹਾ ਕਿ ਇਹ ਕਦਮ ਸਿੱਧੇ ਤੌਰ ‘ਤੇ ਲੋਕਾਂ ਦੀ ਸੁਰੱਖਿਆ ਨਾਲ ਜੁੜਿਆ ਹੋਇਆ ਹੈ। ਉਨ੍ਹਾਂ ਦੱਸਿਆ ਕਿ ਕਈ ਵਾਰੀ ਗਾਹਕਾਂ ਨੂੰ ਲੱਗਦਾ ਹੈ ਕਿ ਉਹਨਾਂ ਦਾ ਫੋਨ ਬਿਲਕੁਲ ਠੀਕ ਕੰਮ ਕਰ
Spark ਨੇ ਗਾਹਕਾਂ ਲਈ ਆਸਾਨ ਤਰੀਕਾ ਦੱਸਿਆ ਹੈ। ਮੋਬਾਈਲ ਤੋਂ 550 ‘ਤੇ “3 ਜੀ” ਲਿਖ ਕੇ ਮੁਫ਼ਤ ਮੈਸੇਜ ਭੇਜਿਆ ਜਾ ਸਕਦਾ ਹੈ। ਇਸ ਨਾਲ ਪਤਾ ਲੱਗ ਜਾਵੇਗਾ ਕਿ ਫੋਨ 4 ਜੀ ‘ਤੇ ਪੂਰੀ ਤਰ੍ਹਾਂ ਕੰਮ ਕਰ ਰਿਹਾ ਹੈ ਜਾਂ ਨਹੀਂ। ਕੁਝ ਮਾਮਲਿਆਂ ਵਿੱਚ ਸਿਰਫ਼ ਸੈਟਿੰਗ ਬਦਲਣ ਨਾਲ ਸਮੱਸਿਆ ਦੂਰ ਹੋ ਸਕਦੀ ਹੈ, ਪਰ ਕਈ ਪੁਰਾਣੇ ਡਿਵਾਈਸਾਂ ਲਈ ਨਵਾਂ ਫੋਨ ਲੈਣਾ ਲਾਜ਼ਮੀ ਹੋਵੇਗਾ।
Spark ਦਾ ਕਹਿਣਾ ਹੈ ਕਿ ਪ੍ਰਭਾਵਿਤ ਗਾਹਕਾਂ ਨਾਲ ਸਿੱਧਾ ਸੰਪਰਕ ਕੀਤਾ ਜਾ ਰਿਹਾ ਹੈ ਤਾਂ ਜੋ ਉਹ ਸਮੇਂ ਸਿਰ ਆਪਣਾ ਡਿਵਾਈਸ ਅਪਗ੍ਰੇਡ ਕਰ ਸਕਣ ਅਤੇ ਐਮਰਜੈਂਸੀ ਸੇਵਾਵਾਂ ਤੱਕ ਬਿਨਾਂ ਕਿਸੇ ਰੁਕਾਵਟ ਦੇ ਪਹੁੰਚ ਬਣੀ ਰਹੇ।