ਨਿਊਜ਼ੀਲੈਂਡ ਕਿਸਾਨ ਦੇ 60,000 ਡਾਲਰ ਦੇ ਪਸ਼ੂ ਚੋਰੀ

ਆਕਲੈਂਡ (ਐੱਨ ਜੈੱਡ ਤਸਵੀਰ) ਨਿਊਜ਼ੀਲੈਂਡ ਦੇ ਇਕ ਕਿਸਾਨ ਦਾ ਕਹਿਣਾ ਹੈ ਕਿ ਉਸਦੇ ਡੈਨੇਵਿਰਕੇ ਫਾਰਮ ਤੋਂ 60,000 ਡਾਲਰ ਦੇ ਬਛੜੇ ਚੋਰੀ ਹੋਣ ਤੋਂ ਬਾਅਦ ਪਸ਼ੂਆਂ ਨੂੰ ਸ਼ਾਂਭਣ ਲਈ ਇਕ ਬਿਹਤਰ ਤਰੀਕੇ ਦੀ ਜ਼ਰੂਰਤ ਹੈ। ਜੇਨ ਕੋਰਬਿਨ ਨੇ ਕਿਹਾ ਕਿ ਇਹ ਦੂਜੀ ਵਾਰ ਹੈ ਜਦੋਂ ਉਸਦੇ ਅਤੇ ਉਸਦੇ ਪਤੀ ਦੇ ਪਸ਼ੂ ਚੋਰੀ ਕੀਤੇ ਗਏ ਹਨ। ਕੋਰਬਿਨ ਨੇ ਮਾਰਨਿੰਗ ਰਿਪੋਰਟ ਨੂੰ ਦੱਸਿਆ ਕਿ ਉਹ ਇਸ ਹਫਤੇ ਆਪਣੀ ਧੀ ਨੂੰ ਸਕੂਲ ਛੱਡਣ ਜਾ ਰਹੀ ਸੀ ਜਦੋਂ ਉਸਨੇ ਦੇਖਿਆ ਕਿ ਉਨ੍ਹਾਂ ਦੇ ਵਿਹੜੇ ਦਾ ਗੇਟ ਖੁੱਲ੍ਹਾ ਸੀ।
ਉਸਨੇ ਆਪਣੇ ਪਤੀ ਨੂੰ ਮੈਸੇਜ ਕੀਤਾ ਜੋ ਜਾਂਚ ਕਰਨ ਗਿਆ ਸੀ ਅਤੇ ਉਸਨੂੰ ਟੁੱਟੇ ਹੋਏ ਤਾਲੇ ਦੀ ਫੋਟੋ ਭੇਜੀ, ਜਿਸ ਨੇ ਉਸਦੇ ਸਭ ਤੋਂ ਵੱਡੇ ਡਰ ਦੀ ਪੁਸ਼ਟੀ ਕੀਤੀ। ਕੋਰਬਿਨ ਨੇ ਕਿਹਾ ਕਿ 12 ਤੋਂ 14 ਹਫਤਿਆਂ ਦੀ ਉਮਰ ਦੇ 65 ਬਛੜਿਆਂ ਦਾ ਨੁਕਸਾਨ ਵਿਨਾਸ਼ਕਾਰੀ ਹੈ ਅਤੇ ਉਨ੍ਹਾਂ ਦੇ ਵਾਪਸ ਆਉਣ ਦੀ ਕੋਈ ਉਮੀਦ ਨਹੀਂ ਹੈ। ਉਸਨੇ ਕਿਹਾ ਕਿ ਮਾਈਕਰੋਚਿਪ ਲਗੇ ਘਰੇਲੂ ਜਾਨਵਰਾਂ ਦੇ ਉਲਟ,ਨਿਊਜੀਲੈਂਡ ‘ਚ ਪਸ਼ੂਆਂ ਦੀ ਪਹਿਚਾਣ ਲਈ ਕੰਨ ਵਿੱਚ ਇੱਕ ਟੈਗ ਲੱਗਿਆ ਹੁੰਦਾ ਹੈ ਜਿਸਨੂੰ ਅਸਾਨੀ ਉਤਾਰਿਆ ਜਾ ਸਕਦਾ ਹੈ।ਇਸ ਨੂੰ ਉਤਾਰਨ ਲਈ ਤੁਹਾਨੂੰ ਇੱਕ ਚਾਕੂ ਚਾਹੀਦਾ ਹੈ ੳਤੇ ਇਹ ਅਸਾਨੀ ਨਾਲ ਉਤਰ ਜਾਂਦਾ ਹੈ।”ਇਹ ਸਿਰਫ ਕਿਸੇ ਦੇ ਕੰਨ ਤੋਂ ਵਾਲੀ ਕੱਡਣ ਵਰਗਾ ਹੈ, ਤੁਸੀਂ ਇਸ ਨੂੰ ਕੱਟ ਤੇ ਕੱਢ ਲਵੋ। ਉਸਨੇ ਇਸ ਤਕਨਾਲੋਜੀ ਨੂੰ ਵਿਕਸਤ ਕਰਨ ਦੀ ਮੰਗ ਕੀਤੀ।
ਕੋਰਬਿਨ ਨੇ ਕਿਹਾ ਕਿ ਹੱਥੀਂ ਪਾਲੇ ਗਏ ਬਛੜਿਆਂ ਦਾ ਸਿਰਫ ਅੰਸ਼ਕ ਤੌਰ ‘ਤੇ 20,000 ਡਾਲਰ ਦਾ ਬੀਮਾ ਸੀ, ਕਿਉਂਕਿ ਹਰ ਸਾਲ ਖਰਚੇ ਦੀ ਲਾਗਤ ਬਹੁਤ ਹੈ ਅਤੇ ਹੁਣ ਦੂਜੀ ਚੋਰੀ ਦੇ ਨਾਲ ਉਨ੍ਹਾਂ ਦੇ ਪ੍ਰੀਮੀਅਮ ਬਹੁਤ ਜਿਆਦਾ ਹੋ ਗਿਆ ਹੈ। ਉਸਦਾ ਮੰਨਣਾ ਸੀ ਕਿ ਬਦਕਿਸਮਤੀ ਨਾਲ ਅਜਿਹਾ ਲੱਗਦਾ ਹੈ ਕਿ ਇਹ ਚੋਰੀ ਖੇਤੀ ਉਦਯੋਗ ਨਾਲ ਜੁੜੇ ਕਿਸੇ ਹੋਰ ਕਿਸਾਨ ਨੇ ਕੀਤੀ ਹੈ,ਕਿਉਂਕਿ ਕੋਲ ਹੀ ਪਸ਼ੂਆਂ ਨੂੰ ਟਰੱਕ ਤੋਂ ਉਤਾਰਨ ਅਤੇ ਉਨ੍ਹਾਂ ਨੂੰ ਰੱਖਣ ਦੀਆਂ ਸਹੂਲਤਾਂ ਹੁੰਦੀਆਂ ਹਨ
“ਇਹ ਕੋਈ ਸ਼ਹਿਰੀ ਨਹੀਂ ਹੋਵੇਗਾ ਜੋ ਸਪੱਸ਼ਟ ਤੌਰ ‘ਤੇ ਉਨ੍ਹਾਂ ਨੂੰ ਲੈ ਗਿਆ ਹੈ। ਇਹ ਸੋਚ ਕੇ ਦੁੱਖ ਹੁੰਦਾ ਹੈ, ਕਿਉਂਕਿ ਕਿਸਾਨ ਤਾਂ ਖੁਦ ਜਾਣਦੇ ਨੇ ਕਿ ਖੇਤੀ ਕਾਫ਼ੀ ਮੁਸ਼ਕਲ ਹੈ ਅਤੇ ਬਹੁਤ ਘੱਟ ਮੁਨਾਫਾ ਹੈ। ਖੇਤੀ ਨਾਲ ਜੁੜੇ ਕਿਸੇ ਵਿਅਕਤੀ ਦੁਆਰਾ ਅਜਿਹਾ ਕਰਨਾ ਕਾਫੀ ਦੁਖਦ ਹੈ। ਉਨ੍ਹਾਂ ਕਿਹਾ ਕਿ ਜੇ ਕਿਸੇ ਕਿਸਾਨ ਨੇ ਅਜਿਹਾ ਕੀਤਾ ਹੈ ਤਾਂ ਉਹ ਪਸ਼ੂਆਂ ਨੂੰ ਅਸਾਨੀ ਨਾਲ ਅੱਗੇ ਵੀ ਵੇਚ ਸਕਦਾ ਹੈ ਕਿਉਂਕਿ ਕਿਸਾਨ ਨੂੰ ਕਿਸੇ ਨੇ ਵੇਚਣ ਸਬੰਧੀ ਕੋਈ ਸਵਾਲ ਵੀ ਨਹੀਂ ਕਰਨਾ।